માથ્થી 16

ઈસુ વિષે પિતરની કબૂલાત

13 ઈસુએ કાઈસારિયા ફિલિપ્પીના વિસ્તારમાં આવીને પોતાના શિષ્યોને પૂછ્યું કે, "માણસનો દીકરો કોણ છે, એ વિષે લોકો શું કહે છે?" 14 ત્યારે તેઓએ કહ્યું કે, "કેટલાક કહે છે, યોહાન બાપ્તિસ્મા કરનાર, કેટલાક એલિયા, કેટલાક યર્મિયા, અથવા પ્રબોધકોમાંના એક." 15 ઈસુએ તેઓને પૂછ્યું, "પણ હું કોણ છું, તે વિષે તમે શું કહો છો?" 16 ત્યારે સિમોન પિતરે જવાબ આપતાં કહ્યું કે, "તમે ખ્રિસ્ત, જીવતા ઈશ્વરના દીકરા છો."