માથ્થી 20

ઈસુ બે દ્રષ્ટિહિનોને સાજાં કરે છે

29 જયારે તેઓ યરીખોમાંથી નીકળતા હતા, ત્યારે લોકોનો મોટો સમુદાય તેમની પાછળ ચાલતો હતો. 30 જુઓ, બે અંધજનો રસ્તાની બાજુએ બેઠા હતા, ઈસુ તેઓની પાસે થઈને જાય છે તે સાંભળીને તેઓએ ઊંચા અવાજે કહ્યું કે, "ઓ પ્રભુ, દાઉદના દીકરા, અમારા પર દયા કરો." 31 પણ લોકોએ તેઓને ધમકાવીને ચૂપ રહેવા કહ્યું, પણ તેઓએ વધારે મોટેથી બૂમ પાડતાં કહ્યું કે, "ઓ પ્રભુ, દાઉદના દીકરા, અમારા ઉપર દયા કરો."

32 ત્યારે ઈસુએ ઊભા રહીને તેઓને બોલાવીને કહ્યું કે, "હું તમારે માટે શું કરું, એ વિષે તમારી શી ઇચ્છા છે?" 33 તેઓએ તેમને કહ્યું કે, "પ્રભુ, અમારી આંખો ઉઘાડો." 34 ત્યારે ઈસુને અનુકંપા આવી, અને તે તેઓની આંખોને અડક્યા અને તરત તેઓ દેખતા થયા અને તેઓ ઈસુની પાછળ ચાલ્યા.