1 Reis 18

पावसासाठी एलीयाची प्रार्थना

41 एलीया मग अहाब राजाला म्हणाला, "जा, आता तू तुझे खाणेपिणे उरकून घे कारण खूप जोराचा पाऊस पडणार आहे" 42 तेव्हा अहाब राजा त्यासाठी निघाला. त्याचवेळी एलीया कर्मेल डोंगराच्या माथ्यावर चढून गेला. तेथे पोहोंचल्यावर ओणवून, गुडघ्यात डोके घालून बसला. 43 आणि आपल्याबरोबरच्या सेवकाला म्हणाला, "समुद्राकडे पाहा" समुद्र दिसेल अशा जागी हा सेवक गेला पण परत येऊन म्हणाला, "तिथे काहीच दिसले नाही" एलीयाने त्यास पुन्हा सात वेळेस जाऊन पाहायला सांगितले. 44 सातव्यांदा मात्र सेवक परत येऊन म्हणाला, एक लहानसा, मुठीएवढा ढग मला दिसला. समुद्रावरुन तो येत होता तेव्हा एलीयाने त्या सेवकाला सांगितले, "अहाब राजाकडे जाऊन त्यास रथात बसून ताबडतोब घरी जायला सांग. कारण तो आत्ता निघाला नाहीतर पावसामुळे त्यास थांबावे लागेल." 45 पाहता पाहता आकाश ढगांनी भरुन गेले. वारा सुटला आणि मुसळधार पाऊस सुरु झाला. अहाब आपल्या रथात बसून इज्रेलला परत जायला निघाला.