लूक 17

12 तो कोणाएका खेड्यात जात असताना तेथे त्यास कुष्ठरोगाने ग्रस्त दहा पुरूष भेटले 13 आणि ते दूर उभे राहून मोठमोठ्याने ओरडून म्हणाले "येशू, स्वामी, आमच्यावर दया करा," असे बोलून त्यांनी त्याच्याकडे आरोळी केली. 14 जेव्हा येशूने कुष्ठरोग्यांना*कुष्ठरोग्याला याजकांद्वारे निरीक्षण करून घेतल्यावर समाजात घेतले जात असत पाहिले, तेव्हा तो त्यांना म्हणाला, "जा आणि स्वतःला याजकांना दाखवा." ते याजकाकडे जात असतांनाच शुद्ध झाले, 15 जेव्हा त्यांच्यातील एकाने पाहिले की आपण बरे झालो आहोत तेव्हा तो परत आला व तो मोठ्याने ओरडून देवाचे गौरव करू लागला. 16 तो येशूच्या पायाजवळ खाली पडला व त्याने त्यास नमन केले. तसेच त्याने त्याचे उपकार मानले. तो एक शोमरोनी होता. 17 येशू त्यास म्हणाला, "दहाजण शुद्ध झाले नाहीत काय? बाकीचे नऊजण कोठे आहेत? 18 या विदेशी मनुष्याशिवाय कोणीही देवाचे गौरव करण्यासाठी परत आला नाही काय?" 19 तो त्यास म्हणाला, "ऊठ आणि जा, तुझ्या विश्वासाने तुला बरे केले आहे."