Marcos 6

22 हेरोदीयाच्या मुलीने स्वतः आत जाऊन नाच करून हेरोद व आलेल्या पाहुण्यांना आनंदित केले. तेव्हा हेरोद राजा मुलीला म्हणाला, "तुला जे पाहिजे ते माग म्हणजे मी ते तुला देईन." 23 तो शपथ वाहून तिला म्हणाला, "माझ्या अर्ध्या राज्यापर्यंत जे काही तू मागशील ते मी तुला देईन." 24 ती बाहेर गेली आणि तिच्या आईला म्हणाली, "मी काय मागू?" आई म्हणाली, "बाप्तिस्मा करणाऱ्या योहानाचे शीर." 25 आणि ती मुलगी लगेच आत राजाकडे गेली आणि म्हणाली, "मला तुम्ही या क्षणी बाप्तिस्मा करणाऱ्या योहानाचे शीर तबकात घालून द्यावे अशी माझी इच्छा आहे." 26 राजाला फार वाईट वाटले, परंतु त्याच्या शपथेमुळे व भोजनास आलेल्या पाहुण्यांमुळे त्यास तिला नकार द्यावा असे वाटले नाही. 27 तेव्हा राजाने लगेच वध करणाऱ्याला पाठवले व योहानाचे शीर घेऊन येण्याची आज्ञा केली. मग तो गेला व तुरूंगात जाऊन त्याने योहानाचे शीर कापले. 28 ते शीर तबकात घालून मुलीला दिले व मुलीने ते आईला दिले.