मत्तय 12

प्रभू येशूचे नातलग

46 मग तो लोकसमुदायाबरोबर बोलत असता, त्याची आई व त्याचे भाऊ त्याच्याशी बोलण्यासाठी बाहेर वाट पाहत उभे होते. 47 तेव्हा कोणीतरी त्यास म्हणाले, "तुमची आई व भाऊ बाहेर उभे आहेत. ते तुमच्याशी बोलण्याची वाट पाहत आहेत." 48 त्याच्याशी बोलणाऱ्याला त्याने उत्तर दिले, "कोण माझी आई? कोण माझा भाऊ?" 49 मग तो आपल्या शिष्यांकडे हात करून म्हणाला, "पाहा, माझी आई व माझे भाऊ हे आहेत. 50 कारण माझ्या स्वर्गीय पित्याच्या इच्छेनुसार जे वागतात, तेच माझे भाऊ, बहीण आणि आई."