मत्तय 16

येशू हा ख्रिस्त असल्याची पेत्राने दिलेली कबुली

13 येशू फिलिप्पाच्या कैसरीया या भागाकडे गेला. तो त्याच्या शिष्यांना म्हणाला, "मनुष्याच्या पुत्राला लोक कोण म्हणून म्हणतात?" 14 आणि ते म्हणाले, "काही बाप्तिस्मा करणारा योहान, तर कित्येक एलीया तर दुसरे काही यिर्मया किंवा संदेष्ट्यापैकी एक असे म्हणतात." 15 मग येशू त्यांना म्हणाला, "पण तुम्ही मला कोण म्हणून म्हणता?" 16 शिमोन पेत्राने उत्तर दिले, "तू ख्रिस्त, जिवंत देवाचा पुत्र आहेस."