मत्तय 20

दोन आंधळ्यांना दृष्टिदान

29 ते यरीहो शहर सोडत असताना, मोठा लोकसमुदाय त्याच्यामागे आला. 30 रस्त्याच्या कडेला दोन आंधळे बसले होते आणि जेव्हा त्यांनी ऐकले की, येशू तेथून जात आहे, तेव्हा ते मोठ्याने ओरडले, "प्रभू येशू, दाविदाच्या पुत्रा. आमच्यावर दया करा." 31 जमावाने त्यांना दटावले व त्यांना शांत राहण्यास सांगितले. पण ते अधिकच मोठ्याने ओरडू लागले, "प्रभू, दाविदाच्या पुत्रा, आमच्यावर दया करा." 32 मग येशू थांबला आणि त्यांच्याशी बोलला, त्याने विचारले, "मी तुमच्यासाठी काय करावे अशी तुमची इच्छा आहे?" 33 त्या आंधळ्या मनुष्यांनी उत्तर दिले, "प्रभूजी, आम्हास दिसावे अशी आमची इच्छा आहे." 34 येशूला त्यांच्यांबद्दल कळवळा आला आणि त्याने त्यांच्या डोळ्यांना स्पर्श केला. त्याच क्षणी त्यांना दिसू लागले आणि ते त्याच्यामागे गेले.