मत्तय 8

2 तेव्हा पाहा, एक कुष्ठरोगी त्याच्याकडे आला व त्यास नमन करून म्हणाला, "प्रभूजी, आपली इच्छा असल्यास आपण मला शुद्ध करायला समर्थ आहात." 3 तेव्हा येशूने आपला हात पुढे करून त्यास स्पर्श केला व म्हटले, "माझी इच्छा आहे, शुद्ध हो;" आणि लगेचच त्याचा कुष्ठरोग जाऊन तो बरा झाला. 4 मग येशूने त्यास म्हटले, "पाहा, हे कोणाला सांगू नको; तर जाऊन स्वतःस याजकाला दाखव आणि त्यांना सत्यतेची साक्ष पटावी म्हणून तुझ्या शुद्धीकरता, मोशेने नेमलेले अर्पण वाहा."