Lucas 1

சகரியாவின் தீர்க்கதரிசனம்

67 அவனுடைய தகப்பனாகிய சகரியா பரிசுத்த ஆவியானவராலே நிரப்பப்பட்டு, தீர்க்கதரிசனமாக:

68 "இஸ்ரவேலின் தேவனாகிய கர்த்தருக்கு ஸ்தோத்திரம் உண்டாவதாக.

69 அவர் நம்முடைய முற்பிதாக்களுக்கு

வாக்குத்தத்தம்பண்ணின இரக்கத்தைச் செய்வதற்கும்;

70 தம்முடைய பரிசுத்த உடன்படிக்கையை நினைத்தருளி:

71 உங்களுடைய சத்துருக்களின் கைகளில் இருந்து நீங்கள் விடுதலையாக்கப்பட்டு,

உயிரோடிருக்கும் நாட்களெல்லாம் பயமில்லாமல் எனக்கு முன்பாகப் பரிசுத்தத்தோடும்

நீதியோடும் எனக்கு ஊழியம் செய்யவும் கட்டளையிடுவேன் என்று,

72 அவர் நம்முடைய முற்பிதாவாகிய

ஆபிரகாமுக்கு கொடுத்த ஆணையை நிறைவேற்றுவதற்கும்;

73 ஆதிமுதல் கொண்டிருந்த தம்முடைய

பரிசுத்த தீர்க்கதரிசிகளின் வாக்கினால்

தேவன் சொன்னபடியே,

74 தமது மக்களைச் சந்தித்து மீட்டுக்கொண்டு,

நம்முடைய சத்துருக்களிடம் இருந்தும்,

நம்மைப் பகைக்கிற எல்லோருடைய கைகளில் இருந்தும்,

நம்மை இரட்சிப்பதற்காக,

75 தம்முடைய தாசனாகிய தாவீதின் வம்சத்திலே

நமக்கு ஒரு வல்லமையுள்ள இரட்சகரை அனுப்பினார்.

76 என் மகனே, நீ உன்னதமான தேவனுடைய

தீர்க்கதரிசி என்று அழைக்கப்படுவாய்;

நீ கர்த்தருக்கு வழிகளை ஆயத்தம்பண்ணவும்,

77 நமது தேவனுடைய உருக்கமான இரக்கத்தினாலே

அவருடைய மக்களுக்குப் பாவமன்னிப்பாகிய

இரட்சிப்பைத் தெரியப்படுத்தவும், அவருக்கு முன்னே நடந்துபோவாய்.

78 இருளிலும், மரண பயத்திலும் உட்கார்ந்திருக்கிறவர்களுக்கு

வெளிச்சம் கொடுக்கவும்,

79 நம்முடைய கால்களைச் சமாதானத்தின் வழியிலே நடத்தவும்,

அந்த இரக்கத்தினாலே உன்னதத்திலிருந்து தோன்றிய

சூரியன் நம்மிடம் வந்திருக்கிறது" என்றான்.