41 ఏలీయా "పెద్ద వాన కురుస్తున్న శబ్దం వస్తున్నది. నీవు వెళ్లి భోజనం చెయ్యి" అని అహాబుతో చెప్పాడు. 42 అహాబు భోజనం చేయడానికి వెళ్ళాడు గాని, ఏలీయా కర్మెలు పర్వతం ఎక్కి నేలమీద పడి ముఖం మోకాళ్ల మధ్య పెట్టుకున్నాడు. 43 తరువాత అతడు తన సేవకుణ్ణి పిలిచి "నీవు పైకి వెళ్లి సముద్రం వైపు చూడు" అన్నాడు. వాడు మెరక ఎక్కి చూసి "ఏమీ కనబడ్డం లేదు" అన్నాడు. అతడు ఇంకా ఏడు సార్లు "వెళ్లి చూడు" అన్నాడు. 44 ఏడో సారి అతడు చూసి "అదిగో మనిషి చెయ్యంత చిన్న మేఘం, సముద్రం నుంచి పైకి లేస్తూ ఉంది" అన్నాడు. అప్పుడు ఏలీయా "నీవు అహాబు దగ్గరికి వెళ్లి, నీ రథాన్ని సిద్ధ పరచుకో, వానలో చిక్కుకుపోక ముందే వెళ్ళిపో" అని చెప్పమని అతన్ని పంపాడు.
45 అంతలోనే ఆకాశం కారుమేఘాలు కమ్మింది. దానికి గాలి తోడైంది. వాన జోరుగా కురిసింది. అహాబు రథమెక్కి యెజ్రెయేలు పట్టణం వెళ్లిపోయాడు.
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)