యోహాను రాసిన ప్రకటన గ్రంథం 7

అదనపు వివరణ

1 ఈ సంగతులు జరిగిన తరువాత భూమి నాలుగు దిక్కుల్లో నలుగురు దేవదూతలు నిలబడి ఉండడం నేను చూశాను. వారు భూమి మీద నాలుగు వైపుల నుంచి వీయాల్సిన గాలి వీయకుండా బలంగా అడ్డుకున్నారు. దాంతో భూమిమీద గానీ, సముద్రంమీద గానీ, ఏ చెట్టుమీద గానీ గాలి వీయడం లేదు.

2 మరొక దూత తూర్పు దిక్కు నుండి పైకి లేవడం నేను చూశాను. అతనికి సజీవ దేవుని సీలు ఉంది. భూమికీ సముద్రానికీ హని చేయడానికి అనుమతి ఉన్న మొదటి నలుగురు దూతలతో అతడు బిగ్గరగా 3 "మేము మా దేవుని దాసుల నుదిటిపై ముద్ర వేసేంత వరకూ భూమికీ, సముద్రానికీ, చెట్లకూ ఎలాంటి హని చేయవద్దు" అన్నాడు.

ఇశ్రాయేలులో శేషించిన వారి లెక్క

4 సీలు పొందిన వారి సంఖ్య చెబుతుంటే నేను విన్నాను. ఇశ్రాయేలు వారి గోత్రాలన్నిటిలో సీలు పొందినవారి సంఖ్య 1, 44,000.

5 గోత్రాల వారీగా ముద్ర పొందిన వారి సంఖ్య.

యూదా గోత్రంలో 12,000.

రూబేను గోత్రంలో 12,000.

గాదు గోత్రంలో 12,000.

6 ఆషేరు గోత్రంలో 12,000.

నఫ్తాలి గోత్రంలో 12,000.

మనష్షే గోత్రంలో 12,000.

7 షిమ్యోను గోత్రంలో 12,000.

లేవి గోత్రంలో 12,000.

ఇశ్శాఖారు గోత్రంలో 12,000.

8 జెబూలూను గోత్రంలో 12,000.

యోసేపు గోత్రంలో 12,000.

బెన్యామీను గోత్రంలో 12,000.