యోహాను రాసిన సువార్త 19

జన సమూహం ఎదుట యేసు

4 పిలాతు మళ్ళీ బయటకు వెళ్ళి ప్రజలతో, "ఈ మనిషిలో ఏ అపరాధం నాకు కనిపించలేదని మీకు తెలిసేలా ఇతణ్ణి మీ దగ్గరికి బయటకి తీసుకుని వస్తున్నాను" అని వారితో అన్నాడు. 5 కాబట్టి, యేసు బయటకు వచ్చినప్పుడు ముళ్ళ కిరీటం పెట్టుకుని, ఊదారంగు వస్త్రం ధరించి ఉన్నాడు. అప్పుడు పిలాతు వారితో, "ఇదిగో ఈ మనిషి!" అన్నాడు. 6 ముఖ్య యాజకులు, యూదుల అధికారులు యేసును చూసి, "సిలువ వెయ్యండి, సిలువ వెయ్యండి!" అని, కేకలు వేశారు. పిలాతు వారితో, "ఈయనలో నాకు ఏ అపరాధం కనిపించడం లేదు కాబట్టి మీరే తీసుకువెళ్ళి ఇతన్ని సిలువ వెయ్యండి" అన్నాడు.