యోహాను రాసిన సువార్త 20

14 ఆమె ఇలా పలికి వెనక్కి తిరిగి అక్కడ యేసు నిలబడి ఉండడం చూసింది. కానీ ఆయనను ఆమె గుర్తు పట్టలేదు. 15 యేసు, "అమ్మా, ఎందుకు ఏడుస్తున్నావు? ఎవరిని వెతుకుతున్నావు?" అని ఆమెను అడిగాడు. ఆమె ఆయనను తోటమాలి అనుకుంది. "అయ్యా, ఒకవేళ నువ్వు ఆయనను తీసుకు వెళ్తే ఆయనను ఎక్కడ ఉంచావో చెప్పు. నేను ఆయనను తీసుకుపోతాను" అంది.

16 అప్పుడు యేసు ఆమెను చూసి, "మరియా" అని పిలిచాడు. ఆమె ఆయన వైపుకు తిరిగి, "రబ్బూనీ" అని పిలిచింది. రబ్బూనీ అనే మాటకు హీబ్రూ భాషలో ఉపదేశకుడు అని అర్థం.