మత్తయి రాసిన సువార్త 20

ఇద్దరు గుడ్డివారికి చూపు

29 వారు యెరికో దాటి వెళుతుండగా గొప్ప జనసమూహం ఆయన వెంట వెళ్తూ ఉంది. 30 అప్పుడు దారి పక్కనే కూర్చున్న ఇద్దరు గుడ్డివారు యేసు ఆ మార్గంలో వెళ్తున్నాడని విని, "ప్రభూ, దావీదు కుమారా, మమ్మల్ని కరుణించు" అని కేకలు వేశారు. 31 ప్రజలు వారిని కేకలు వేయవద్దని గద్దించారు గాని వారు, "ప్రభూ, దావీదు కుమారా, మమ్మల్ని కరుణించు" అని ఇంకా పెద్దగా కేకలు వేశారు.

32 యేసు ఆగి, వారిని పిలిచి, "మీకోసం నన్నేమి చేయమంటారు?" అని అడిగాడు. 33 వారు, "ప్రభూ, మాకు చూపు అనుగ్రహించు" అన్నారు. 34 యేసు వారిమీద జాలిపడి వారి కళ్ళు ముట్టుకున్నాడు. వెంటనే వారు చూపు పొంది ఆయన వెంట వెళ్ళారు.