మత్తయి రాసిన సువార్త 8

యేసు తుఫానును ఆపడం

23 ఆయన పడవ ఎక్కినప్పుడు ఆయన శిష్యులు ఆయనతో వెళ్ళారు. 24 అప్పుడు సముద్రం మీద తీవ్రమైన తుఫాను చెలరేగి, పడవ మీదికి అలలు ముంచుకు వచ్చాయి. అయితే యేసు నిద్రపోతూ ఉన్నాడు. 25 శిష్యులు ఆయనను నిద్ర లేపి, "ప్రభూ, చచ్చిపోతున్నాం. మమ్మల్ని రక్షించండి" అంటూ కేకలు వేశారు. 26 యేసు వారితో, "అల్ప విశ్వాసులారా, మీరెందుకు భయపడుతున్నారు?" అని చెప్పి, లేచి గాలినీ సముద్రాన్నీ గద్దించాడు. అప్పుడు అంతా చాలా ప్రశాంతమై పోయింది. 27 శిష్యులు ఆశ్చర్యపడి, "ఈయన ఎలాంటివాడో! గాలీ సముద్రం ఈయన మాట వింటున్నాయే" అని చెప్పుకున్నారు.