Mateus 9

ఇద్దరు గుడ్డివారికి చూపు

27 యేసు అక్కడనుంచి వెళ్తూ ఉంటే ఇద్దరు గుడ్డివారు ఆయనను అనుసరిస్తూ, "దావీదు కుమారా, మామీద దయ చూపించు" అని కేకలు వేశారు. 28 యేసు ఇంట్లోకి వెళ్ళిన తరువాత ఆ గుడ్డివారు ఆయన దగ్గరికి వచ్చారు. యేసు వారితో, "నేను దీన్ని చేయగలనని మీరు నమ్ముతున్నారా?" అని వారిని అడిగాడు. వారు, "అవును ప్రభూ" అన్నారు. 29 అప్పుడాయన వారి కళ్ళు ముట్టి, "మీరు నమ్మినట్టే మీకు జరుగుతుంది" అన్నాడు. 30 వారి కళ్ళు తెరుచుకున్నాయి. అప్పుడు యేసు "ఈ సంగతి ఎవరికీ తెలియనివ్వకండి" అని ఖండితంగా వారికి చెప్పాడు. 31 కానీ ఆ ఇద్దరూ వెళ్లి ఈ వార్త ఆ ప్రాంతమంతా చాటించారు.