1 Tessalonicenses 5

Probhu Laga Din

1 Etiya, bhai khan, utu din aru somoi laga kotha apnikhan janibole dorkar nai. 2 Aru apnikhan nijor bhal pora jani ase Probhu wapas aha laga din to najana homoi te chor manu rati te aha nisena hobo. 3 Jitia taikhan koi, "Shanti aru surakhsa," titia achanak pora taikhan uporte dukh aru nosto ahibo. Aru ekjon maiki bacha pabole dukh pa nisena hobo. Aru kun bhi polabo na paribo*5.3 Mat. 24:37-39.. 4 Kintu bhai, apnikhan andhar te thaka nohoi, aru Tai aha laga din to apuni khan ke chor ahikena asurit kori diya nisena nohobo. 5 Kilekoile apuni khan sob ujala aru din laga bacha khan ase. Amikhan rati aru andhar te thaka bacha khan nohoi.