Revelation 19

Sorgote Anondo

1 Etu pichete sorgo pora manu laga dangor bhir laga awaj ulaikena koi thaka hunise,

"Hallelujah.

Poritran, mohima, aru takot moi khan laga Isor ke.

2 Tai laga bisar hosa aru bhal ase,

Kelemane Tai mohan bebichar ke bisar korise

Kun bebichar kaam kori kene prithibi ke letera kori dise.

Tai laga noukar khan laga khun ulai diya ke badla loise,

Tai laga hath pora*19.2 Deu. 32:43. ."

3 Titia bhir khan aru dusra bar hala korise:

Hallelujah!

Tai pora ulai thaka dhuwa hodai aru hodai nimite thakibo*19.3 Ps 106:48. ."