Atos 7

44 Ami laga baba laga baba khan logot sakhi laga tambu ase, jineka taike dikhaise jongol te, tineka bona bole koise, aru thik tineka bonai loise. 45 Etu ase tombu ghor juntu amikhan baba khan pora paikene Joshua hath pora loi yate anise, jitia taikhan desh khan ke gheri loi kene kabja kori loise, jun khan Isor he amikhan laga baba khan usor pora khedai dise, aru David raja laga homoi tak thakise, 46 jun Isor itcha te paise, tai mangise Jacob laga Isor ke thaki bole ekta jagah karone. 47 Kintu Solomon he Isor karone ekta ghor bonai dise. 48 Kintu, Mohan Isor to manu pora bonai diya ghor te nathake, bhabobadi pora kowa nisena,

49 ‘Sorgo to Ami laga singhason, aru prithibi Ami laga theng rakha jaga.

Probhu koise, tumi Moi karone ghor bonai dibo?

Aru Ami laga aram kora jaga to kote hobo?

50 Moi he nijor hath pora etu sob bona nai naki?’