10 Hekh te, Probhu logote thakibi aru tai laga takot te sakti pabi. 11 Isor laga sob hathiar khan lagai lobi, titia apnikhan bhoot laga chalak khan bhirodh te khara kori bole paribo.

12 Kilekoile amikhan gaw mangso aru khun logote lorai kora nohoi, hoile bhi biya niyom khan logote, biya takot khan logote, etu duniya laga andhar-laga-rajakhan laga biya khan logote, utcha jaga khan te thaka biya atma khan logote lorai kori ase. 13 Etu nimite apuni khan Isor laga hathiar khan loi lobi, titia apuni khan biya dinte khara hobole paribo, aru sob kori kene, khara hobo. 14 Khara hobi, apuni laga komor te hosa bandi lobi, aru chati te dharmikta bandi lobi*6.14 Isa. 11:5; 59:17, 15 aru apuni laga theng khan te susamachar laga shanti nimite juta lagai kene taiyar koribi*6.15 Isa. 52:7; Nah. 1:15. 16 Sob somoite, biswas laga dhal lobi, etu hoile biya jon*6.16 Saitan pora jui laga tir mari thaka to khotom kori bole paribo. 17 Aru poritran laga loha-laga-topi pindhi lobi, aru Atma laga dao, juntu Isor laga kotha ase*6.17 Isa. 49:2; Heb. 4:12; Isa. 59:17.