23 Jitia sipahi khan Jisu ke Cross te latkai dise aru Tai kapra khan char bhag kori sob sipahi ekta-ekta bhag loise, aru Tai kurta bhi, kintu kurta to silai nathaka, upor pora niche tak bona asele. 24 Karone taikhan apaste kotha korise, "Amikhan etu kurta to naphatai kene chithi kheli koribo, kun naam te ulabo tai he loi lobo19.24 Psa. 22:18.." Kelemane Shastro te likha ase,
"Taikhan Ami laga kapra bhangai loise
Aru Moi laga kurta loi chithi kheli loise."
Karone sipahi khan etu kori loise. 25 Ta te Jisu Cross usorte Tai laga ama aru ama laga bhoini, Clopas laga maiki Mary, aru Mary Magdalene khara asele. 26 Jitia Jisu Tai laga ama aru Tai morom kori thaka chela khara thaka dikhi kene Tai laga ama ke koise, "Mahila, sabi, apuni laga chokra!" 27 Titia Tai chela ke bhi koise, "Sabi, apuni laga ama!" Aru etu somoi pora chela pora taike nijor ghor te loi jaise.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)