Luke 2

Jisu Ke Mondir Ghor te Loi Juwa

22 Aru jitia sapha kora laga din paar hoise, Moses laga niyom hisab te, taike Jerusalem te Isor usorte dibole nimite anise*2.22 Lev. 12:6.

23 -Aru etu Isor laga niyom te likhi kene ase, "Jiman mota ama laga pet pora ulai ahise, tai Probhu usorte pobitro matibo"-*2.23 Exo. 13:2, 12,

24 Aru boli dibole nimite juntu Probhu laga niyom te koise, "Ek jora kopu chiriya aru duita chutu kobutar*2.24 Lev. 12:8."

25 Aru sabi, Jerusalem te ekjon manu thakisele, tai laga naam Simon ase, tai dharmik jon asele aru Isor ke aradhana di thaka manu asele. Tai Israel nimite mon aram pabole bisara manu thakise; aru Pobitro Atma tai logote thakise.

26 Aru Pobitro Atma pora taike dikhai dise, tai mora nadikhibo, jitia tak tai Probhu laga Khrista ke nadikhibo.

27 Aru tai Atma te hoi kene mondoli te ahise; aru jitia Jisu laga ama baba pora taike anise; ki niyom ase etu hisab te tai uporte kori bole nimite. 28 Aru tai laga hathte bacha ke uthaikene Isor ke dhanyavad dise, aru koise,

29 "Etiya apuni laga noukar ke shanti pora etu prithibi chari kene jabole dibi Probhu, apuni laga kotha hisab te.

30 Moi laga suku pora apuni laga poritran dikhise,

31 Apuni sob to taiyar kori dise apuni laga manu khan usorte:

32 Porjati khan ke dikhai dibole nimite ekta ujala ahise, aru Israel manu khan nimite mohima hobole nimite."

33 Aru tai ki koise etu huni kene tai laga ama aru baba asurit hoise.

34 Aru Simeon taikhan ke asirbad dise, aru bacha laga ama Mary ke koise, "Sabi, etu bacha ke Israel laga manu khan ke uthai dibo nimite rakhise; aru ek din asurit kaam to kotha namana khan ke dikhai dibo.

35 Aru ekta talwar apuni laga atma te maribo- kelemane bisi manu laga monte bhabona kosi thaka to ulai ahibo."

36 Anna bhi ekta bhabobadini thakise, Phanuel laga chukri aru Asher laga jati pora asele. Tai umor bhi bisi hoi jaise, aru tai sat saal tak tai laga mota logote thakise,

37 Aru chaurasi saal tak tai ekjon bidhowa thakise. Tai kitia bhi mondoli chara nai, rati aru din tai prathana aru upas te he sewa kori thakise.

38 Aru jitia taikhan usorte ahise, tai Isor ke dhanyavad dibole suru hoise, aru sob manu khan ke etu bacha laga kotha koi dise, kelemane taikhan sob udhar pabo nimite Jerusalem te rukhi thakise.