Lucas 8

Jisu Pora Andhi Rukhai Diya

22 Etu ek din eneka hoise, Tai chela khan logote ekta naw te uthise, aru taikhan ke koise, "Ahibi amikhan nodi laga dusra phale jabo." Aru taikhan bohi kene jaise. 23 Naw te jai thaka homoi te Tai ghumai jaise. Etu homoi te dangor andhi ahise. Taikhan laga naw panite gushi bole shuru hoise aru taikhan moribo bhabi thakise. 24 Taikhan Jisu ke uthaise aru koise, "Probhu! Probhu! Moi khan sob mori bole ase!" Kintu Tai uthikena hawa pani ke hukum korise, aru bisi shanti hoi jaise. 25 Jisu taikhan ke koise, "Tumikhan laga biswas to kot te ase?" Aru taikhan bhoi pora asurit hoi kene majote ke koise, "Etu kun ase, Tai hawa aru pani ke hukum dise, aru taikhan manise?"