Mukaanda kwaa basi Kolosaayi 1

Kristo li Pfumu a bioosi

15 Kristo ni ifwaani kia Nziaambi wu dili mu uhele umono. Nde li mwaana watsiomi, na nde li nha yulu a biloo bioosi bi Nziaambi ayiluu✝1.15 Yow 1.1-3; Mts 8.22-26. 16 Mundaa ti, ni mu nde Nziaambi ayilii bioosi bili mu mayula na nha tsi:

biloo bi dili mu umono na bi dili mu uhele umono,

biloo bili na litu la muheebili, biloo bili mu utumu tsi,

mitini na bapfumu na litumu.

Nziaambi ayilii bio mu nde na mu ndaa nde.

17 Nde akwiba tswaamini bioosi biba,

na ni mu nde bioosi bili biadiaala mu mambuu ma bio.

18 Nde li mutswe a nyutu,

na nyutu ni libuundu.

Ni mu nde idiingi ki inyatii ili mu ubaanduu. Nde li Muutu watsiomi, na watsiomi wasimbuu mu baata babakwa, paa nde aba watsiomi mu bioosi. 19 Mundaa ti, Nziaambi aholi kesili ya udiaala nde woosi mu Mwaana a nde. 20 Mu nde Nziaambi atooni uvuutu iyeenge kia nde na tsi yoosi. Ni mu makila ma Kristo matsiaamii nha kuruwa, nde avuuti iyeenge nha kati a bioosi, bili mu mayula na bili nha tsi.