MATAAYI 3

Nziisili a Yowani Mubootii

1 Mu taanga dii, Yowani Mubootii amonii mu tsi ya tsata mu Yuuda na nde abaandii uyiisi, 2 akileele: «Disobo ndiaatili a beni, mundaa ti Ipfumu kia mayula ika bebele!» 3 Yowani ni muutu wu Yeesaya mubili atsuyi mu nde bu aleeli:

«Ndaa mosi li mu uloo mu tsi ya tsata:

Diyiluu kuulu a Pfumu,

disuungusu misoo mia nde✝3.3 Yes 40.3!»

4 Ikutu kia Yowani ali batuungu kio mu miooso mia nyama wa kuumbu samo, na nde ali alwaata kobo yibayiluu mu mukaanda a nyama mu luungu la nde. Nde akidia bangwalibaanga na maari ma nyosi. 5 Baata ba Yeruselemi, ba mu itinini kia Yuuda kioosi, na ba mu itinini kioosi kia ku peembi a nziali ya Yorodaani, bakiyene kwaa nde. 6 Bo bakiloombo Kolokolo mu masumu ma bo nha kulu a baata na Yowani akibootuu bo mu nziali ya Yorodaani.