13 ପ୍ରବୁନ୍ ଆସନ୍ ଗାମ୍ଲେ ସୋଡ଼ାମରଞ୍ଜି ଆ ବର୍ନେ ମାନ୍ନେଲେ ଡକୋନାବା । 14 ଡେସାନ୍ ଆ ରାଜା ଡେଏତୋ କି ସୋଡ଼ାମର୍ ଡେଏତୋ ଆନିଞ୍ଜିଆଡଙ୍ ମାନ୍ନେବା; ଡୋସାନ୍ ଆର୍ଲୁମ୍ତେଞ୍ଜି ଆ ମନ୍ରାଜିଆଡଙ୍ ପନବ୍ରଡନ୍ ଆସନ୍ ଡ ମନଙ୍ କାବ୍ବାଡ଼ାନ୍ ଆର୍ଲୁମ୍ତେଞ୍ଜି ଆ ମନ୍ରାଜିଆଡଙ୍ ସନେଙ୍କେନ୍ ଆସନ୍ ରାଜାନ୍ ଆନିଞ୍ଜିଆଡଙ୍ ତବ୍ନଙେଞ୍ଜି । 15 ଇନିଆସନ୍ଗାମେଣ୍ଡେନ୍ ଇସ୍ୱରନ୍ ଗାମ୍ତେ, ଆମ୍ୱେଞ୍ଜି ମନଙ୍ କାବ୍ବାଡ଼ାନ୍ ଲୁମ୍ଲେ ଏର୍ବୁଡ୍ଡିମରଞ୍ଜି ଆ ଅଗିଆନବର୍ ଅବ୍ରିଙ୍ରିଙ୍ବା । 16 ଆମ୍ୱେଞ୍ଜି ଇନ୍ସୟ୍ଲୁମ୍ମର୍ଜି ଡେଲବେନ୍ ଜନଙ୍ଡେନ୍, ଇନ୍ସୟ୍ଲୁମ୍ବେନ୍ ପରାନ୍ସାତ୍ତିନ୍ ଆ କାବ୍ବାଡ଼ା ଲୁମ୍ଲୁମନ୍ ଆସନ୍ ଏଞଣ୍ଡ୍ରମ୍ଡଙ୍ନେ, ଆର୍ପାୟ୍ ଇସ୍ୱରନ୍ ଆ କମ୍ବାରି ଅନ୍ତମ୍ ମନଙ୍ କାବ୍ବାଡ଼ାନ୍ ଲୁମ୍ବା । 17 ଅଡ଼୍କୋ ମନ୍ରାନ୍ଆଡଙ୍ ମାନ୍ନେବାଜି, ବୋଞାଙ୍ବେଞ୍ଜିଆଡଙ୍ ଡୁଙ୍ୟମ୍ବାଜି, ଇସ୍ୱରନ୍ ବତଙ୍ବା, ରାଜାନ୍ଆଡଙ୍ ମାନ୍ନେବା ।
Publicidade