ମଣ୍ଡଡ଼ିଲୋଙନ୍ ଗିର୍ଜାନେନ୍
1 ପର୍ତମ୍ମୁ ଞେନ୍ ଅମଙ୍ବେନ୍ କାକୁର୍ତିତନାୟ୍, ଅଡ଼୍କୋ ମନ୍ରାନ୍ ଆସନ୍, ଞେନ୍ ଅନବ୍ଉୟୁବନ୍, କାକୁର୍ତିଞେନ୍, ପାର୍ତନାଞେନ୍ ଡ ଅଡ଼୍କୋ ମନ୍ରାନ୍ ଆସନ୍ ଇସ୍ୱରନ୍ଆଡଙ୍ ସେଙ୍କେତାୟ୍; 2 ତିଆସନ୍ ଅଡ଼୍କୋ ମନ୍ରାଞ୍ଜି ଆସନ୍, ରାଜାଞ୍ଜି ଡ ସୋଡ଼ାମରଞ୍ଜି ଆସନ୍ ପାର୍ତନାନାବା, ଇସ୍ୱରନ୍ଆଡଙ୍ ସେଙ୍କେବା; ଏତ୍ତେଲ୍ଡେନ୍ ଇନ୍ଲେନ୍ ସନୟୁନ୍ ବାତ୍ତେ, ଏରାମ୍ମୁୟ୍ ଗବ୍ରିଲନ୍ ଡକୋଲନ୍ ରପ୍ତିତବୋ । 3 ଏନ୍ନେଗନ୍ ଆ ପାର୍ତନା ଇସ୍ୱରନ୍ ଲଡୟ୍ତେ ଆରି ଜାଜାଲଙ୍ତନ୍ । 4 ଅଡ଼୍କୋ ମନ୍ରାନ୍ ଇର୍ସେନ୍ ସିଲଡ୍ ଆବ୍ୟର୍ବୁଡ୍ଡିଲନ୍ ଅନୁରନ୍ ଞାଙ୍ଲେ ଆଜାଡ଼ିନ୍ ଜନାଏତୋ ଗାମ୍ଲେ ଇସ୍ୱରନ୍ ଲଡୟ୍ତେ ।