ଇସ୍ୱରନ୍ ଆ ସନେବା
1 ତିଆସନ୍, ଏ ବୋଞାଙ୍ ତନାନ୍ଜି, ଇନିଆସନ୍ଗାମେଣ୍ଡେନ୍ ଇସ୍ୱରନ୍ ଆ ସନାୟୁମ୍ ଅମଙ୍ବାଲେନ୍ ଡକୋନ୍ ଆସନ୍ ଞେନ୍ ଆମ୍ୱେଞ୍ଜିଆଡଙ୍ ବର୍ତବେନ୍; ଆମ୍ୱେଞ୍ଜି ରମ୍ମଙ୍ ଡଅଙ୍ବେନ୍ ଆମେଙ୍, ମଡ଼ିର୍ ଆରି ଇସ୍ୱରନ୍ ଆଜ୍ରାତେନ୍ ଆନମଙ୍ ଅନ୍ତମ୍ ସୋରୋପ୍ପାୟ୍ଡମ୍ଲନ୍ ଆନିନ୍ଆଡଙ୍ ଅବ୍ସର୍ଡାବା, କେନ୍ଆତେ ମା ଆଜାଡ଼ି ସନେନ୍ପୁରନ୍ । 2 କେନ୍ ପୁର୍ତିନ୍ ଏଙ୍ଗାଲେ ଞଣ୍ଡ୍ରମ୍ତନ୍, ଏତ୍ତେଲେ ଆମ୍ୱେଞ୍ଜି ଏଞଣ୍ଡ୍ରମ୍ଡଙ୍ନେ, ଇସ୍ୱରନ୍ ଅନିଃୟମ୍ବେଞ୍ଜି ରଙ୍ ଏମ୍ମେଏତୋ ଆରି ମନ୍ନବେନ୍ ମେଡ୍ରନ୍ ଆନ୍ନାଏତୋ । ଏତ୍ତେଲ୍ଡେନ୍ ଇସ୍ୱରନ୍ ଆନିଃୟମ୍ ଇନି ଆଗନିୟ୍ଗିୟ୍ଲୋଙନ୍ ଇନିଜି ମନଙ୍ଡମ୍, ମନଅଁୟ୍ଡମ୍ ଆରି ଆଜାଡ଼ିନ୍ ତିଆତେ ଜନାଲେ ଏରପ୍ତିତେ ।
3 ଇନିଆସନ୍ଗାମେଣ୍ଡେନ୍ ଞେନ୍ ଞାରାଙ୍ଲାଞନ୍ ଆ ସନାୟୁମ୍ ବାତ୍ତେ ଅଡ଼୍କୋ ମନ୍ରାଞ୍ଜିଆଡଙ୍ ବର୍ତବେନ୍, ଆନ୍ନିଙ୍ ଆନିନ୍ଡମ୍ ସୋଡ଼ା ଗାମ୍ଡଙ୍ନେ ତଡ୍, ଇସ୍ୱରନ୍ ଆତ୍ରିୟ୍ତବେନ୍ ଆ ଡର୍ନେନ୍ ଅନ୍ତମ୍ ଲବ୍ଗଃଡମ୍ଲନ୍ ଆମ୍ୱେନ୍ଡମ୍ ଇୟମ୍ବା ।