దోరు వేంగితి దారిగట్టయి
1 సాతగుట్ట సిప్పయఁ కెయ్యుత అస్సని, ఏ సాత జాణటి మహపురు దూతొయఁటి రొండి వాహఁ. ఇన్ని "వాము హారెఎ కడ్డయఁ ఒడ్డుత కుగ్గని దారిగట్టని డొండొహీని హారెఎ కాకులితి నాను నిన్నఅఁ తోస్తఇఁ. 2 బూమిత మన్ని రజ్జయఁ ఏదనితొల్లె దారి కిత్తెరి. బూమిత బత్కిని లోకు ఏదని దారికీహఁ ఇన్ని కాడు మత్తుత" మచ్చెరి.
3 ఏ డాయు మహపురు దూతొ నన్నఅఁ సుద్దుజీవుతొల్లె పాడుజాడత ఒహిఁ హచ్చెసి. ఎంబఅఁ నాను రో ఇయ్యని మెస్తెఎ, ఏది రో పఎరిపల్క జొంతొ ముహెఁ కుగ్గహఁ మన్నె, ఏ కజ్జ అజ్జిహోపెతి జొంతొతక్కి. సాతగుట్ట త్రాక దొసొగుట్ట కొమ్క మన్ను. ఏదని అంగ బర్రె మహపురు దుసొవి ఆని దోర్క రాచ్చహఁ మన్ను. 4 ఏ ఇయ్య గద్గసొక్క, పఎరిపల హెంబొరి హుచ్చ మన్నె. బఙరతొల్లె, ముతెమికతొల్లె, ఇట్టకొడ్డితె. ఏదణి కెయ్యుత రో బఙర సిప్ప మన్నె. ఏ సిప్పతి తాను కిహిమన్ని లగ్గెఎతి కమ్మయఁతొల్లె తాను కిహిమన్ని దారికీని హెలితయి కమ్మయఁ మన్ను.