10 ఇల్లెతి రో నియొమి తెయరఆతె ఇంజిహిఁ దానియేలు పుంజహఁవ ఏవసి తని ఇజ్జొ హజ్జహఁ హర్రిదిన్న కిన్నిలెహెఁ యెరుసలేముబకి తచ్చమన్ని తని ఇజ్జొలెక్కొతి గది కిట్కియఁ దరి మెండకుత్తహఁ ప్రెతిదిన్న తీనిహుట్టుయఁ తని మహపురుకి ప్రాతనకిహిఁ, మహిమ కిహిమన్నెసి. 16 ఎచ్చెటిఎ రజ్జ హియ్యలిఎ కోస్క దానియేలుఇఁ అస్స ఓహఁ కజ్జ క్డాని పావుత మెత్హెరి. ఎచ్చెటిఎ రజ్జ "నీను హర్రిదిన్నతప్పఅన ప్రాతనకిహిమన్ని నీ మహపురుఎ నిన్నఅఁ జీణకియ్యనెసి" ఇంజిహిఁ దానియేలుతొల్లె వెస్తెసి. 22 నాను నా మహపురు నోకిత ఏని తప్పుకీహ హిల్లఅతి లెహెఁ తోంజఆతెఎఁ. ఇంజహఁ ఏవసి తని దూతొని పండహఁ, కజ్జ క్డానియఁ నంగెకి నొస్టొ కిఅరేటు ఏవఅఁతి గూతి దెఅరేటు కిత్తెసి. రజ్జ నీ నోకిత నాను ఏని నేరొమి కీనతెఎఁ ఆఎ సమ్మ ఇచ్చెసి. 23 రజ్జ కత్తతి పాయిఁ హారెఎ రాఁహఁఆహఁ. దానియేలుఇఁ పావూఁటి పంగత రెజ్జు ఇంజిహిఁ హెల్లొ హిత్తెసి, కోస్క దానియేలుఇఁ పంగత రెచ్చెరి. ఏవసి తని మహపురు పాయిఁ బక్తిగట్టసి ఇంజహఁ ఏవణకి నొస్టొ వాఅతె. 27 ఏవసి మణిసిని పిస్పికీనసి, జీణకీనసి. హాగుత, బూమి లెక్కొ ఏవసి పునికియఁ, కబ్బగట్టి కమ్మయఁ కిన్నసి. ఏవసిఎ క్డానియఁ గూతిటి ఈ దానియేలుఇఁ జీణకీతెసి" ఇంజిహిఁ రాస్కికిత్తెసి.
దానియేలు 6:10,16,22,23,27
Em outras traduções
- KII25 Bíblia Kuvi
10 ଏଚେଟିଏ ଈ ରା଼ଚିତି ତା଼ଣା ସନ୍ତକି ଆ଼ହାମାନେ ଇଞ୍ଜିଁ ପୁଞ୍ଜାହାଁ ଦାନିୟେଲ ତାନି ଇଲୁତା ହାଚେସି; ତାନି ବାକ୍ରାତି କିଡ଼୍କି ଜିରୁସାଲମ ୱାକି ଦେପି ଆ଼ହାମାଚେ; ଇଞ୍ଜାଁ, ଏ଼ୱାସି ତଲି ଏ଼ନିକିଁ କିହିମାଚେସି, ଏଲେକିହିଁଏ ଦିନାତାକି ତୀନି ଦେବା ମେଣ୍ତା କୁତାହାଁ ପ୍ରା଼ତାନା କିତେସି ଅ଼ଡ଼େ ଜାହାରା ମାହାପୂରୁ ନ଼କିତା ଜହରା କିତେସି।
16 ଏଚେଟିଏ ରାଜା ହୁକୁମି କିହାଲିଏ, ଏ଼ୱାରି ଦାନିୟେଲଇଁ ତାଚାହାଁ ସିହଁୟାଁ ଗା଼ଡ଼୍ୟୁତା ମେତ୍ହେରି। ଇଞ୍ଜାଁ, ରାଜା ଦାନିୟେଲଇଁ ଏଲେଇଚେସି, "ନୀନୁ କା଼ଲେଏ ଏମିନି ମାହାପୂରୁତି ସେ଼ବା କିହିମାଞ୍ଜି, ଏ଼ୱାସି ନିଙ୍ଗେ ଗେଲ୍ପାନେସି।"
22 ନା଼ ମାହାପୂରୁ ତାନି ଦୂତୁ ପାଣ୍ତାହାଁ ସିହଁୟାଁତି ଗୂତି ମୁଚା ମାନେସି ଅ଼ଡ଼େ ଏ଼ୱି ନାଙ୍ଗେ ଏ଼ନାଆଁ କିହାମାଞ୍ଜାଉ; ଇଚିହିଁ ତାନି ନ଼କିତା ନା଼ ଦ଼ହ ହିଲାଆତାୟି ତ଼ଞ୍ଜାଆ଼ତେ; ଇଞ୍ଜାଁ, ଏ଼ ରାଜା, ନା଼ନୁ ନୀ ନ଼କିତା ଜିକେଏ ଏ଼ନାଆଁ ଲାଗେଏ କିହାହିଲଅଁ।
23 ଏଚେଟିଏ ରାଜା ହା଼ରେକା ରା଼ହାଁ ଆ଼ହାଁ ଦାନିୟେଲଇଁ ଗା଼ଡ଼୍ୟୁଟି ପାଙ୍ଗାତା ତାଚାଲି ହୁକୁମି ହୀତେସି। ଏଚେଟିଏ ଦାନିୟେଲ ଗା଼ଡ଼୍ୟୁଟି ହ଼ଚାୱାତେସି ଅ଼ଡ଼େ ତାନି ଆଙ୍ଗାତା ଏ଼ନି ଗା଼ହାଁ ତ଼ଞ୍ଜାଆ଼ଆତେ, ଇଚିହିଁ ଏ଼ୱାସି ତାନି ମାହାପୂରୁ ତା଼ଣା ନାମା ମାଚେସି।
27 ଏ଼ୱାସି ଗେଲ୍ପିନାସି ଅ଼ଡ଼େ ପିସ୍ପି କିନାସି,
ଇଞ୍ଜାଁ ଏ଼ୱାସି ଲାକପୂରୁ ଅ଼ଡ଼େ ଦାର୍ତିତା ସିନା ଅ଼ଡ଼େ କାବାଆ଼ନି କାମା କିନେସି;
ଏ଼ୱାସି ଦାନିୟେଲଇଁ ସିହଁୟାଁ ତା଼ଣାଟି ଗେଲ୍ପା ମାନେସି।"
Direitos das traduções citadas
Estes versículos te tocaram? Ore agora!
+581 estão orando agora.
Junte-se à corrente de oração.