23 కోస్క జీసుఇఁ సిలువత వేతి డాయు ఏవణి హెంబొరికాణి రిక్హకొడ్డహఁ, కోస్క రో బాగలక వానిలెహెఁ ఏవఅఁతి సరి బాగ కిత్తెరి. ఏవణి లంబసొక్కవ రెజ్జకొడ్డహఁ, ఏ సొక్క కుత్తఅతయి లెక్కొటిఎ డోఇఎప్పె అల్లితయి, 24 ఏదఅఁతక్కి ఏవరి "ఎదణితి గెహఅన ఏది అంబఅరకి వానెకి ఇంజిహిఁ ఏదఅఁ కోసొమి సీటియఁ మెత్నొ" ఇంజిహిఁ వెస్పిఆతెరి.

ఏవరి నా హెంబొరికాణి తాంబు బాటికిహ కొడ్డహఁ

నా సొక్కతి కోసొమి సీటియఁ మెత్నెరి ఇంజిహిఁ రాచ్చితి కత్త పూర్తి ఆనిలెహెఁ ఇది ఆతె. ఇదఅఁతకిఎ కోస్క ఇల్లెకితెరి.

25 జీసు తల్లి, జీసు తల్లిని తంగి క్లోపా డొక్రిఆతి మరియ, ఓడె మగ్దలేనే మరియ జీసు సిలువ దరి నిచ్చమచ్చు. 26 జీసు తన్ని తల్లి తాను జీవునోతి సిసు దరి నిచ్చమచ్చణి మెస్సహఁ "ఇయ్య, ఈవసి నీ మీరెఎసి" ఇంజిహిఁ తన్ని తల్లిని వెస్తెసి.

27 డాయు సిసుఇఁ సినికిహఁ ఇదిఎ నీ తల్లి ఇంజిహిఁ వెస్తెసి. ఏ బేలటిఎ ఏ సిసు ఇయ్యని కేర్హెసి.