మార్కు 8

జీసు బేత్సయిదాత కాణఇఁ మెస్పి కిన్నయి

22 జీసు ఓడె తన్ని సిసుయఁ బేత్సయిదాత వాతెరి, ఎచ్చెటిఎ ఎంబతరి జీసు తాణ రో కాణఇఁ తచ్చిహిఁ వాహఁ, ఏవణఇఁ డీగము ఇంజిహిఁ జీసుఇఁ బతిమాలితెరి. 23 జీసు ఏ కాణఇఁ కెయ్యు అస్సహఁ నాయుఁ అత్తల ఓహిఁ హజ్జహఁ, ఏవణి కణ్కాణ హూపహఁ, ఏవణి లెక్కొ కెస్కఇట్టహఁ, "నింగె ఏనయి పట్టె తోంజ ఆహీయనెకి?" ఇంజిహిఁ ఏవణఇఁ వెచ్చెసి.

24 ఏవసి మూంబు పెర్హఁ సినికియలిఎ నంగె మణిసియఁ తోంజ ఆహీయనెరి, ఏవరి తాకి మన్ని మార్కలెహెఁ తోంజ ఆహీయనెరి ఇచ్చెసి.

25 ఎచ్చెటిఎ జీసు ఓడె తన్ని కెస్క ఏవణి కణ్కాణ ఇట్టలిఎ, ఏవణి కణ్క ఒడ్డహఁ తీరె నెహిఁకిఁ మెస్సలి ఆడ్డితెసి. 26 ఎచ్చెటిఎ జీసు ఏవణఇఁ నీను నాయుఁత హల్లఅని ఇంజిహిఁ వెస్సహఁ ఏవణి ఇజ్జొ ఏవణఇఁ పండితెసి.