10 ఇచ్చిహిఁ, అంబఅసి వరిఇ కుచ్చ జకెఎ తిన్నెసి, ఏనఅఁకి నీను నీ టొట్టతరఇఁ బిచ్చర కియ్యలి ఏనఅఁకి? ఓడె ఏనఅఁకి నమ్ము ఇట్టితి నీ టొట్టతరి తిన్ని కుచ్చజాయుతి కాహీఇంజి? మారొ బర్రెజాణతొఁ రో దిన్న మహపురు నాయొమి హీని సింగసాణ నోకిత నిన్నయి.

11 "అస్సులిఎ జీవుతొల్లె నిడ్డహఁ మన్ని మహపురుతెఁ, వెస్సీంజఇఁ ఏనయి ఇచ్చిహిఁ,

నా తోడు ప్రెతి రొఅసి నా నోకిత మెండకుత్తినెసి,

ఓడె బర్రెజాణతి వెందొరి మహపురుఇఁ ఒప్పకొడ్డిను ఇంజిహిఁ ప్రెబు వెస్సిమన్నెసి." ఇంజిహిఁ పుస్తెకొమిత రాస్కి ఆహమన్నె.

12 ఇంజహఁ బర్రెజాణతొమి మా పాయిఁతకి మారొఎ మహపురుకి లెక్క హీనయి మన్నె.