6 ଅଡ଼୍ ଲେକାମ୍ କାରାପ୍ ଚିନ୍ତେ ମାଡ଼ାନାଦ୍ ଆୟ୍ୟ କି ଇୱୁ ସାର୍ରେ ୱେଷଡ଼୍ ଇନା ଆସ୍ ମାନ୍ ଏର୍କା ଇଦୁତ୍ । 7 ଅଡ଼୍ ଲୋପେଙ୍କ୍ ବେସ୍କ୍ତୁଡ଼୍ ପୁତ୍ଲାମ୍ ପୂଜେ ମାଡ଼ାନାଦ୍ ଆୟ୍ୟ, ଦର୍ମଶାସ୍ତ୍ରତାଗ୍ ଲେକ୍ତାଦ୍ ମିନ୍ଦେ, "ନାରୁଡ଼୍ ତିନ୍ଦାନଙ୍କ୍ କୁଦ୍ତଡ଼୍ ନୁ ତାନ୍ପେର୍କେ ତେଦି ମୂର୍ତ୍ତି ପୂଜା ପାଡ଼୍ୟି ମାଡ଼ାନଙ୍କ୍ ପସ୍ପ୍ତ୍ତଡ଼୍ ।" 8 ଅଡ଼୍ ଲୋପେଙ୍କ୍ ବେସ୍କ୍ତୁଡ଼୍ ବେବିଚାର୍ ମାଡ଼୍ତାଙ୍କ୍ ୱେରଡ଼୍ ଦିନେତେ ତେଇସ୍ ହଜାର୍ ନାରୁଡ଼୍ ଡଲ୍ତଡ଼୍ । ଆଦ୍ ରକମ୍ ପାପାମ୍ ମାଡ଼୍ୱାଡ଼୍ । 9 ଅଡ଼୍ ଲୋପେଙ୍କ୍ ବେସ୍କ୍ତୁଡ଼୍ ପ୍ରବୁନ୍ ପରିକ୍ଷା ମାଡ଼ି ତାଡ଼ାମ୍ କାସି ଡଲ୍ତଡ଼୍ । ମାନାଡ଼୍ ଆଦ୍ଲେକାମ୍ ପ୍ରବୁଙ୍କ୍ ପରିକ୍ଷା ମାଡ଼ାନାଦ୍ ଆୟ୍ୟ । 10 ଅଡ଼୍ ଲୋପେଙ୍କ୍ ବେସ୍କ୍ତୁଡ଼୍ ଇଶ୍ୱର୍ତିଙ୍କ୍ ବିରୁଦ୍ ମାଡ଼ି ଆୱୁକାନାଦ୍ ଦୂତ୍ତଡ଼୍ ଦଂସ ଆଦ୍ତଡ଼୍ । ମିଡ଼୍ ଆଦ୍ଲେକାମ୍ କପାମ୍ ଗଟି କେଲ୍ମାଟ୍ ।
13 ମିଡ଼୍ ବେନ୍ ପରିକ୍ଷା ଇତ୍ତିଡ଼୍, ନାରୁଡ଼୍ ଗାଲା ଆଦେରକମ୍ ପରିକ୍ଷା ଇସ୍ମାନ୍ତଡ଼୍, ଇତ୍କେ ଇଶ୍ୱର୍ ତାନ୍ ପ୍ରତିଜ୍ଞାତାଗ୍ ବିଶ୍ୱାସ୍ ମିନ୍ଦେଣ୍ଡ୍ । ଅଣ୍ଡ୍ ମିକିଂଙ୍କ୍ ମିୟାଦ୍ ଶାତ୍ୱାମ୍ତେ ବାୟିଦେ ପରିକ୍ଷା ଇଦାନଙ୍କ୍ ଇୱଣ୍ଡ୍ । ମିଡ଼୍ ପରିକ୍ଷା ଇଦାନ୍ୱେଲେ, ଗାଡ଼୍ସ୍ ଆଦାନଙ୍କ୍ ଇଶ୍ୱର୍ ମିକିଂଙ୍କ୍ ଶାତ୍ୱାମ୍ ଇଦ୍ତଣ୍ଡ୍ ନୁ ମୁକ୍ତିତେ ଆର୍ର୍ ତଅସିଦ୍ତଣ୍ଡ୍ ।