ପ୍ରେମ୍
1 ନାନ୍ ନାରୁଡ଼ାଦ୍ ଗଟ୍ ଦୂତନ୍ ଗଟ୍ତେ କେତ୍ ପାର୍କେ ମିକା, ନା ଜିୱୁଣ୍ଡ୍ତାଗ୍ ପ୍ରେମ ଇଲୁକ୍, ନାନ୍ ମାତର୍ ଅଣ୍ଡୟ୍ ଲେଙ୍ଗ୍ଦେ ନେକାନ୍ ଗାଣ୍ଟା, ଇଲୁକ୍ ଅଣ୍ଡୟ୍ତଡ଼୍ ପେଞ୍ଚାନ୍ କାୟ୍କ୍ ଲେଙ୍ଗ୍ । 2 ୧3:୨ ମାତିଉ ୧୭:୨୦; ୨୧:୨୧; ମାର୍କ ୧୧:୨3.ସାୟେ ଗଟ୍ତେ ଇଶ୍ୱର୍ତେ କାବୁର୍ କେତାନଙ୍କ୍ ନାୟାଗ୍ ଶାତ୍ୱାମ୍ ମାତ୍କେମିକା । ସାର୍ରେ ବିଷୟ୍ତେ ବୁଦ୍ ମାତ୍କେମିକା, ସାର୍ରେ ଲୋପେତ୍ ବିଷୟ୍ ବୁଜେମ୍ ଆଦାନଙ୍କ୍ ଶାତ୍ୱାମ୍ ମାତ୍କେମିକା, ବିଶ୍ୱାସ୍ ତଡ଼୍ ମେଟେତିଙ୍କ୍ ଗୁସ୍ପାନଙ୍କ୍ ବପୁ ମାତ୍କେମିକା; ଆଗେକ୍ବା ନାୟାଦ୍ ପ୍ରେମ୍ ଇଲୁକ୍, ନାନ୍ ବାତ୍ ଆୟନ୍ । 3 ଯଦି ନାନ୍ ଗରିବ୍ ନାରୁଡ଼୍କ୍ ନାର୍ଗେ ଦାନ ମାଡ଼େପାର୍ଦ୍ତାନ୍ ବା କିସ୍ତାଗ୍ କାର୍ୱାନଙ୍କ୍ ନା ମେନ୍ଦୁଲ୍ତିଙ୍କ୍ ଇଦେପାର୍ଦ୍ତାନ୍, ଆଗେକ୍ବା ନା ଜିୱୁଣ୍ଡ୍ତାଗ୍ ପ୍ରେମ୍ ଇଲ୍ଲେ, ଆୱୁସାର୍ରେ ନା ସେଙ୍ଗେ ଆଙ୍ଗ୍ଡ଼ାମ୍ ।
4 ପ୍ରେମ ଗାଡ଼୍ସ୍ ନୁ ସାୟେ । ପ୍ରେମ୍ କପାମ୍ ବା ଅବିମାନ୍ ବା ଅହଙ୍କାରୀ ଆୟ୍ୟ । 5 ପ୍ରେମ୍ ରୁକ୍ଷ ବା ସ୍ୱାର୍ତପର୍ ଆୟ୍ୟ, ଆଙ୍ଗ୍ଡ଼ାମ୍ କପାମ୍ ଆୟ୍ୟ । ପ୍ରେମ ତାନ୍ ସେଙ୍ଗେ ମାଡ଼୍ତେ ଅନ୍ୟାୟ୍ତାଦ୍ ଇସାପ୍ ନେଃଏୱ । 6 ପ୍ରେମ ଅଦର୍ମତଡ଼୍ ୱେଡ଼୍କ୍ ମାଡ଼, ସତ୍ ତଡ଼୍ ଆଦିନାଦ୍ ୱେଡ଼୍କ୍ । 7 ପ୍ରେମ ସାର୍ରେ ସାରେ ମାଡ଼ିତ୍ । ଆଦିନାଦ୍ ସାର୍ରେ ବିଶ୍ୱାସ୍ ମାଡ଼ିତ୍, ସାର୍ରେ ଆଶେ ମାଡ଼ିତ୍; ବାତ୍ଆଇ ତିପାଲ୍ୱେଲେ ଗାଡ଼୍ସ୍ ଆରେମ୍ ଆୟ୍ୟ ।