ଇଶ୍ୱର୍ତେ ଆତ୍ମା ନୁ ମିଚ୍ ଆତ୍ମା
1 ପ୍ରିୟ ସାଙ୍ଗନଡ଼ି ! ଇଶ୍ୱର୍ତେ ଆତ୍ମା ପାହେମ୍ ଆସ୍ମିନ୍ତେ ଇଞ୍ଜ୍ ବେନଡ଼୍ କେତୁତଡ଼୍, ଅଡ଼୍ ସାରେତଡ଼୍କ୍ ବିଶ୍ୱାସ୍ ମାଡ଼୍ମାଟ୍; ଅଡ଼୍ ପାଃଏମ୍ ଆସ୍ମାନ୍ଦାନ୍ ଆତ୍ମା, ସତ୍ତେ ଇଶ୍ୱର୍ତାଗେ ଆଗାତ୍ କି ଆୟ, ମୁନେ ପରିକ୍ଷା ମାଡ଼ି ଉଡ଼ାଟ୍ । ବାତେଙ୍କ୍ ଇତ୍କେ ଇଞ୍ଜେ ନାର୍ଗେ ବଣ୍ଡବାବବାଦିଡ଼୍ ସାରେତାକ୍ ବିଚରଣ୍ ମାଡ଼ୁତଡ଼୍ । 2 ଅଡ଼୍ ଇଶ୍ୱର୍ତେ ଆତ୍ମା ପାହେମ୍ ଆସ୍ମିନ୍ଦେଡ଼୍ କି ଇଲେ, ତାନାଦ୍ ପୁନ୍ଦାନାଦ୍ ଉପାୟ ଅଦୁତ୍, ବେନ୍ ନାରୁନାଗେ ଇଶ୍ୱର୍ତେ ଆତ୍ମା ଅଦିଷ୍ଠତ, ଅଣ୍ଡ୍ କୁଲେମ୍ ଲେଙ୍ଗ୍ଦେ ସ୍ୱୀକାର୍ ମାଡ଼ିତନ୍ ଯେ, ଜିସୁ କ୍ରିଷ୍ଟ ନାରୁନ୍ ଲେକାମ୍ ୱାସ୍ମାତ୍ତଣ୍ଡ୍ । 3 କିନ୍ତୁ ବେନ୍ ଜିସୁନ୍ ବିଷୟତେ ଇଦ୍ ଗଟ୍ ସ୍ୱୀକାର୍ ମାଡ଼ଣ୍ଡ୍, ଅଣ୍ଡ୍ ବେସୁଙ୍କ୍ ମିକା ଇଶ୍ୱର୍ତେ ଆତ୍ମା ଲାବ୍ ମାଡ଼ଣ୍ଡ୍, କ୍ରିଷ୍ଟନ୍ ଶତ୍ରୁନାଗାଙ୍କ୍ ଅଣ୍ଡ୍ ଆଦ୍ ଆତ୍ମା ପାଏମ୍ ଆତ୍ତଣ୍ଡ୍, ଇଦ୍ ଆତ୍ମାତେ ଆଗମନ୍ ବିଷୟତେ ମିଡ଼୍ କେଞ୍ଜ୍ତିଡ଼୍ ଆଦ୍ ଇଞ୍ଜେ ଇଦ୍ ଜଗତ୍ତାଗେ ମିନ୍ଦେ ।
4 କିନ୍ତୁ ପିଲାନଡ଼ି ! ମିଡ଼୍ ଇଶ୍ୱର୍ତେ ପିଲା । ଆ ବୁସା ମାଡ଼ାନ୍ ବାବବାଦୀଡ଼୍କ୍ ମିଡ଼୍ ଆରା ମାଡ଼୍ତିଡ଼୍, ବାତେଙ୍କ୍ଇତ୍କ ମୀଇ ହୃଦୟତାଗ୍ ବାସେ ମାଡ଼ମାନ୍ଦାନ୍ ଇଶ୍ୱର୍ତେ ଆତ୍ମା, ସଂସାର୍ତେ ନାରୁଡ଼୍ ଆତ୍ମାତାଗାଙ୍କ୍ ଅଦିକ୍ ଶକ୍ତିଶାଳି ।