11 ✝୫:୧୧ ଯୋହନ୍‌ 3:3୬.ଆଦ୍ ସାକ୍ଷ୍ୟ ଆତ୍‍ତେ, ଇଶ୍ୱର୍‍ ମାନାଙ୍କ୍ ଅନନ୍ତ ଜିୱୁନ୍ ଇତ୍‍ତନ୍; ମେଣ୍ଡେ ଆଦ୍‍ ଜିୱୁଣ୍ଡ୍ ତାନ୍ ମାରିନାଗେ ମିନ୍ଦେ । 12 ବେନ ମାରିଙ୍କ୍ ପାହେମ୍ ଆତ୍‍ତନ୍, ଅଣ୍ଡ୍‌ ଜିୱୁଣ୍ଡ୍ ପାହେମ୍ ଆତ୍‍ତନ୍; ବେନ ଇଶ୍ୱର୍‌ତେ ମାରିଙ୍କ୍ ପାହେମ୍ ଆୟନ୍, ଅଣ୍ଡ୍‌ ଜିୱୁଣ୍ଡ୍ ପାହେମ୍‍ ଆୟଣ୍ଡ୍ ।

13 ମିକିଙ୍କ୍ ଇଦ୍ ଚିଟି ଲେକୁତାନ୍, ସାରେଦିନତ୍ ଜିୱେତେ ଅଦିକାର୍‌ ଇଞ୍ଜ ମିଡ଼୍ ବେଲାନ୍ ପୁନ୍‍ତିଡ଼୍, ବାତେଙ୍କ୍‍ଇତ୍କେ ଇଶ୍ୱର୍‌ତେ ମାରିନାଗେ ମୀଇ ବିଶ୍ୱାସ ମିନ୍ଦେ ।