3 ✝ଇଶ୍ୱର୍‌ତେ ସେଙ୍ଗେ ମାନାଦ୍‍ ପ୍ରେମ ମିନ୍ଦେ, ଇଦିନ୍ ଅର୍ତ, ମାନାଡ଼୍ ଅନ୍‌ ଆଜ୍ଞା ପାଲନ୍ ମାଡ଼ିତାଡ଼୍ । ଅନ୍‌ ଆଜ୍ଞା ପାଲନ୍ ମାଡ଼ାନାଦ୍ ଗାଟି କଷ୍ଟ ଇଲେ, 4 ବାତେଙ୍କ୍‍ଇତ୍କେ ଅନ୍‌‍ ପିଲା ଇଦ୍ ଜଗତ୍‍ତିଙ୍କ୍ ଆରା ମାଡ଼ାନଙ୍କ୍ ଶକ୍ତି ପାଏମ୍ ଆତ୍‍ତଡ଼୍‍ । ବିଶ୍ୱାସ୍ ଶକ୍ତିତେ ମାମେ ଜଗତ୍‍ତେ ପରୁ ଜିଡ଼ାନାଦ୍ ଲାବ୍ ମାଡ଼େ ପାର୍‍ତାଡ଼୍ । 5 ଇଦ୍ ଜଗତିଙ୍କ୍‍ ବେନ ଆରା ମାଡ଼େ ପାର୍‍ତଣ୍ଡ୍‍ ? ଜିସୁ ଇଶ୍ୱର୍‌ତେ ମାର୍‍ ଇଞ୍ଜ ବେନ ବିଶ୍ୱାସ୍ ମାଡ଼ିତନ୍, ଅଣ୍ଡେକେ ଜଗତ୍‍ତିଙ୍କ୍‍ ଜିଡ଼େ ପାର୍‍ଦ୍‍ତଣ୍ଡ୍‍ ।