1 3:୧ ପ୍ରେରିତ ୧୭:୧୫. ତେର୍ତେ ପେର୍କେ ମାମ୍ମେ ମେଣ୍ଡେ ସାରେ ମାଡ଼୍ୱେ ପାର୍ୱକଟ ତିଆର୍ ମାଡ଼୍ତମ୍ ଯେ, ମାମ୍ମେ ପେର୍କେ ଆଥେନ୍ସ୍ତାଗ୍ ୱେରୱେର ବାଦ୍କିତମ୍, 2 ବାତେଙ୍କ୍ ଇତ୍କେ ନିକିଂଙ୍କ୍ ଡୁଟାଙ୍ଗ୍ ମାଡ଼ାନଙ୍କ୍ ନୁ ନିୟାଦ୍ ବିଶ୍ୱାସ୍ ଡ଼ୁଟାଙ୍କ୍ ମାଡ଼ାନ୍ ସେଙ୍ଗେ ମିଇ ପାକେ ନା ତାମୁଙ୍କ୍ ତୀମତିଙ୍କ୍ ରହତିତାନ୍ । ଅଣ୍ଡ୍ ମା ତଡ଼୍ କ୍ରିଷ୍ଟନ୍ତଡ଼୍ ଲେକେତ୍ କାବୁର୍ ପ୍ରଚାର୍ ମାଡ଼ି ଇଶ୍ୱର୍ତେ ସେବା ମାଡ଼ୁତାନ୍ । 3 ମିଇ ପର୍ର ଆସମାନ୍ଦାନ୍ ତାଡ଼ନା ସେଙ୍ଗେ ବେନ ବେଲା ଆର୍ବୁଲ୍କା ଆୟ୍ମାକିଣ୍ଡ୍, ଆଦିନ୍ ସେଙ୍ଗେ ମିକିଂଙ୍କ୍ ସାହାଯ୍ୟ ମାଡ଼ିତନ୍ । ନିଜାମ୍ ମିଡ଼୍ ପୁତ୍ତିଡ଼୍ ମାମ୍ମେ ଇଦ୍ ରକମ୍ ଆଦିତାଡ଼୍, ଇଦ୍ ଇଶ୍ୱର୍ତେ ଇଚ୍ଛା । 4 ମିଇ ତଡ଼୍ ମାନ୍ଦାନ୍ ୱେଲେ, ମାମ୍ମେ ନାର୍ଗେ ମୁନେଙ୍କ୍ କେସ୍ମାତ୍ତମ୍, ମାନ୍ ଗାଟି କଷ୍ଟ ଆଦାଙ୍କ୍ ଆଦ୍ତେ, ହିଞ୍ଜେ ମିଡ଼୍ ପୁନ୍ଦୁତିଡ଼୍ ଟିକ୍ ଆଦେ କେ ଗଟେମ୍ ଆଦ୍ତେ । 5 ଆଦିଙ୍କ୍ ତୀମତିଙ୍କ୍ ରତ୍ତାନ୍ । ନାନ୍ ମେଣ୍ଡେ ସତ୍ ଆସ୍ମାନ୍ଦେ ପାର୍ୱନ୍ । ମିଡ଼୍ ନିଜେ ବିଶ୍ୱାସ୍ତେ ମିନ୍ଦେଡ଼ି କି ଇଲେ, ପୁନ୍ଦାନ୍ ସେଙ୍ଗେ ନାନ୍ ଅଂକିଙ୍କ୍ ରତ୍ତାନ୍ । ଶୟ୍ତାନ୍ ମିକିଂଙ୍କ୍ ପ୍ରଲୋବିତ୍ ମାଡ଼ିମାନ୍ତେ ନୁ ମାନାଦ୍ ସାରେ ପାଡ଼୍ୟି ଆଙ୍ଗ୍ଡ଼ାମ୍ ଆସ୍ମାନ୍ତେ ? ଇଲେ ହିଦ୍ ବେସୁଙ୍କ୍ ନିଜାମ୍ ଆୟ୍ୟ ।
6 3:୬ ପ୍ରେରିତ ୧୮:୫. ବାତେଙ୍କ୍ ଇତ୍କେ ହିଞ୍ଜେ ତୀମତି ମିୟାଗାଙ୍କ୍ ମାଲ୍ସ୍ ମା ପାକେ ୱାସ୍, ମିୟାଦ୍ ବିଶ୍ୱାସ୍ ନୁ ପ୍ରେମ ବିଷୟ୍ତେ କେସ୍ମିନ୍ଦେନ୍, ମାମ୍ମେ ବେଦ୍ଲେକାମ୍ ମିକିଂଙ୍କ୍ ଉଡ଼ାନଙ୍କ୍ ଇଚ୍ଛା ମାଡ଼ୁତମ୍, ଆଦେଲେକାମ୍ ମିଡ଼୍ ମାକିଂଙ୍କ୍ ସାରେଦିନା ହେର୍କାତାଗ୍ ନେହେସ୍ ମାକିଂଙ୍କ୍ ଉଡାଙ୍କ୍ ଇଚ୍ଛା ମାଡ଼ାଟ୍, ହିଦ୍ ବିଷୟ୍ତେ ମାକିଂଙ୍କ୍ ଲେକେତ୍ କାବୁର୍ ଇସ୍ମିନ୍ଦେନ୍; 7 ଆଦିଙ୍କ୍ ଦାଦାନଡ଼ି ନୁ ଏଲାସ୍କ୍, ମାୟାଦ୍ ସାରେ ଅସୁବିଦା ନୁ ତିପାଲ୍ ଆଦାନ୍ ୱେଲେ ମାମ୍ମେ ମିଇ ସେଙ୍ଗେ ଉତ୍ସାହିତ ଅଦୁତମ୍ । ମିୟାଦ୍ ଗାଡ଼୍ସ୍ ବିଶ୍ୱାସିକେ ମାକିଂଙ୍କ୍ ପ୍ରକୃତ୍ତେ ଜିୱେମାଡ଼ି ନେହେତ୍ତେ । 8 ଇଞ୍ଜେ ମାମ୍ମେ ପୁତ୍ତମ୍ ଯେ, ମିଡ଼୍ ଡୁଟାଙ୍ଗ୍ତେ ପ୍ରବୁନ୍ତଡ଼୍ କାଇଲି ମିକା ବାଦ୍କୁତାଡ଼୍ । 9 ଇଞ୍ଜେ ମିଇ ସେଙ୍ଗେ ମାମ୍ମେ ବେନ୍ ଲେକେତ୍ ନାର୍ଗେ ୱେଡ଼୍କ୍ ମାଡ଼ୁତମ୍, ଆଦିନ୍ ସାରେଦାନ୍ ଲେକାମ୍ ଇଶ୍ୱର୍ତିଙ୍ଗ୍ ବେଲାନ୍ ଦନ୍ୟବାଦ୍ ହିଦ୍ତମ୍, ଆଦ୍ ପୁନ୍ଦାନଙ୍କ୍ ପାର୍ୱମ୍ । 10 ମିକିଂଙ୍କ୍ କାୟ୍ଲି ମିଇ ବିଶ୍ୱାସ୍ତାଗ୍ ବାତେଏ ଅବାବ୍ ମିନ୍ଦେ, ଆଦ୍ ସାରେ ମାଡ଼ାନ୍ ସେଙ୍ଗେ ମାକିଂଙ୍କ୍ ସୁଯୋଗ୍ ଇଦାନଙ୍କ୍ ନାର୍କେପାୟାଲ୍ ଇଶ୍ୱର୍ତିଙ୍କ୍ ପ୍ରାର୍ତନା ମାଡ଼ୁତମ୍ ।
11 ମିଇ ପାକେ ୱାଦାନ୍ ସେଙ୍ଗେ ମା ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ ମାନ୍ ଆର୍ ତିଆର୍ ମାଡ଼ିୱିନ୍ । 12 ମିଇ ସେଙ୍ଗେ ମାୟାଦ୍ ପ୍ରେମ ବେଲା ଗାଟି ମିନ୍ଦେ, ଆଦ୍ ଲେକାମ୍ ନିଜର୍ନିଜର୍ ଲୋପେ ନୁ ବାଗାତ୍ ନାରୁଡ଼୍ ସେଙ୍ଗେ ପ୍ରବୁ ମିୟାଦ୍ ପ୍ରେମ ପେର୍ସ୍ପି ନାର୍ଗେ ମାଡ଼ିଣ୍ଡ୍ । 13 ଇଦ୍ ଲେକାମ୍ ଅଣ୍ଡ୍ ମିକିଂଙ୍କ୍ ଡୁଟ୍ଟାଙ୍କ୍ ମାଡ଼ିତନ୍ । ଆଲେକେ, ମାନ୍ ପ୍ରବୁ ଜିସୁ ବେସୁଙ୍କ୍ ଦାର୍ମାମ୍ ନାରୁଡ଼୍ ଲୋପେ ମାଲ୍ସ୍ ୱାଦ୍ତଣ୍ଡ୍, ଆସୁଙ୍କ୍ ମିଡ଼୍ ବାବାଲ୍ ଇଶ୍ୱର୍ତେ ମୁନେ ସତ୍ ନୁ ପବିତ୍ର ଆସ୍ ନିର୍ଦୋଷ୍ ମାତ୍ତିଡ଼୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)