1 ✝ ୨:୧ ୧ ଥେସଲନିୟ ୪:୧୫-୧୭. ଦାଦାନଡ଼ି ନୁ ଏଲାସ୍କ୍, ପ୍ରବୁ ଜିସୁ କ୍ରିଷ୍ଟ‍ନ୍ ୱାଦାନାଦ୍ ବିଷୟ୍‍ତେ ନୁ ଅନ୍‌ ପାକେ ମାନାଡ଼୍ ସାରେତଡ଼୍ ଅଣ୍ଡୟାଗେ ଆଦାନ୍ ମୁନେଙ୍କ୍ ମିକିଂଙ୍କ୍ ଅନୁରଦ୍‌ ମାଡ଼ୁତମ୍ । 2 ପ୍ରବୁନାଦ୍ ଦିନାମ୍ ୱାସ୍‍ହେଉତେ ଇଞ୍ଜ ବେନନାଗାଙ୍କ୍ କେଞ୍ଜି ମିଡ଼୍ ଦାନ୍ଦେ ଆୟ୍‍ମାଟ୍ । ମାମ୍‍ମେ ପ୍ରଚାର୍ ମାଡ଼ାନ୍ ୱେଲେ ଇଦ୍‍ଲେକାମ୍ ବାତେଏ ଗଟ୍ କେତ୍‍ତମ୍, ବା ଇଦ୍ ବିଷୟ୍‍ତେ ବାତେଏ ଲେକି କେଞ୍ଜ୍‍ପ୍‍ତମ୍ ଇଞ୍ଜ୍ ବେସ୍କ୍‌ତୁଡ଼ାଦ୍ ମନ୍‍ଦାଗ୍ ମିନ୍ଦେ । 3 ଇଦ୍‍ଲେକାମ୍ କେସ୍ ମିକିଂଙ୍କ୍ ବେନ ବେଲାବାଆୟି ପ୍ରତାରନା ମାଡ଼୍‍ମାକି । ଇଶ୍ୱର୍‌ତେ ବିରୁଦ୍ଦ୍‍ତେ ଅନ୍‌ତିମ ଯୁଦ୍‌ ଗଟେମ୍ ଆୟୱେ ଯାକ ନୁ ଆଦ୍ ନର୍‍କ ଆଦାନାଦ୍ "ଆଦାର୍ମି ଆତ୍ମା," ନର୍‍କତାଗ୍‍ ଅନ୍‌‍ୱେ ଯାକ ଆଦ୍ ଦିନ୍ ୱାଡ଼୍ । 4 ଆଦ୍ କାରାପ୍ ଆତ୍ମା ନାରୁଡ଼ାଦ୍ କେତାନାଦ୍ ସାର୍‍ରେ ପୁଜାମାଡ଼ାନ୍ ଦେୟାମ୍ ନୁ ଉପାସ୍ୟ ବସ୍ତୁତାଦ୍ ବିରୁଦ୍‍ ଆଚରନ୍ ମାଡ଼ିତ୍ ନୁ ନିଜେତିଙ୍କ୍ ସାର୍ରେତ୍ ପର୍‍ର ନେଃତାନଙ୍କ୍ ପାର୍‍ଦ୍‍ତେ । ଇଦ୍ ରକମ୍ କି ଅଣ୍ଡ୍‌ ଇଶ୍ୱର୍‌ତେ ମନ୍ଦିର୍‌‍ତାଗ୍ କୁଦି ନିଜେ ଇଶ୍ୱର୍ ଇଞ୍ଜ ଦାବୀ ମାଡ଼ିତ୍ ।