2 ମିଡ଼୍ ସାରେତଡ଼ି ବେଲାକି ସାର୍‍ଦେ ଆଦ୍‍ତିଡ଼୍, ନିଜେନିଜର୍ ଲପେ ପ୍ରେମତେ ଆବଦ୍ଦ ଆଦ୍‍ତିଡ଼୍ ନୁ ସତ୍ ଜ୍ଞାନ୍ ଲାବ୍ ମାଡ଼ି ନିଜାମ୍ ଆଶେ ଲେକାତ୍ ସମ୍ପତିତେ ପୁରା ଅଦିକାରି ଆଦ୍‍ତିଡ଼୍, ଇଦ୍ ନାୟାଦ୍ ଇଚ୍ଛା । ଇଦିନ୍ ତଡ଼୍ ମିଡ଼୍ ସାରେତଡ଼୍ ପୁନ୍‍ତିଡ଼୍ ଯେ, ଜିସୁ କ୍ରିଷ୍ଟକେ ଇଶ୍ୱର୍‌ତେ ମିଞ୍ଜି ମାନ୍ଦାନ୍‍ ସତ୍ ବିଷୟ୍ । 3 ଜିସୁ କ୍ରିଷ୍ଟ ଆଦୁତନ୍ ଆଦ୍ କୁସ୍‍କାୟ୍, ବାତେ ଇଶ୍ୱର୍‌ତେ ବୁଦ୍ ନୁ ଜ୍ଞାନ୍‍ତେ ଲେକାତ୍ ସାରେ ମିଞ୍ଜିମାନ୍ଦାନ୍ ସମ୍ପତିତେ ଗୋଦାମ୍‍ତିଙ୍କ୍‍ କୁଲାମାଡ଼ିଦ୍‍ତେ ।