14 ଆଦିଙ୍କ୍ ସତ୍ୟତାଦ୍ ବେଲ୍ଟ୍, ଦାର୍ମାମ୍ତେ ଗୁଣ୍ଡେତାଗ୍ କେର୍ଦାନାଦ୍ ନୁ 15 ଡେକେତାଗ୍ ଶାନ୍ତିତେ ସୁସମାଚାର୍ ଲେକେତ୍ ଏର୍ପୁକ୍ କେର୍ସ୍ ଗାଡ଼୍ସ୍ଆସ୍ ନିଲ୍ମୁଟ୍ । 16 ସାରେଦାମ୍ ବିଶ୍ୱାସ୍ତାଦ୍ ମୁନ୍ତା କାଞ୍ଜିମାନୁଟ୍, ଇଦିନ୍ ସାହାଯ୍ୟତେ ଶୟ୍ତାନ୍ ଏସ୍ତେ ସାର୍ରେ କିସ୍ତାୱୁ କାଡ଼୍କିଙ୍କ୍ ବାୟିଦେ ଏସାଙ୍କ୍ ମିଡ଼୍ ପାର୍ଦ୍ତିଡ଼୍ । 17 ପରିତ୍ରାଣ୍ ରକତାତ୍ ତାଲ୍ଲେତାଗ୍ କେର୍ଦାନାଦ୍ ନୁ ପବିତ୍ର ଆତ୍ମା ଇତ୍ତେ ଇଶ୍ୱର୍ତେ ବାକ୍ୟ ରକମ୍ ଚୁର୍ ପୟ୍ମୁଟ୍ ।
Publicidade