ଆଣ୍ଟିୟୋକତାଗ୍ ପିତର୍ତିଙ୍କ୍ ପାଉଲ୍ ଦୋଷି ମାଡ଼୍ତଣ୍ଡ୍
11 ପିତର୍ ଆଣ୍ଟିୟୋକିତାଗ୍ ୱାସ୍ମାନ୍ଦାନ୍ ୱେଲେ ନାନ୍ ଅଂକିଙ୍କ୍ ମାନା ମାଡ଼ିମାତ୍ତାନ୍, ବାତେଙ୍କ୍ଇତ୍କେ ନିଜାମ୍ ବୁଲ୍ ପାଡ଼୍ୟି ମାଡ଼ମାତ୍ତଣ୍ଡ୍ । 12 ଯାକୁବ ରଅତେ ବେସ୍କ୍ତୁଡ଼୍ ନାରୁଡ଼୍ ଆଗେ ୱାଦାନ୍ ମୁନେନ୍, ପିତର୍ ଅଣଇହୁଦି ଦାଦାଲଡ଼୍ ନୁ ଏଲାସ୍କିନ୍ ତଡ଼୍ ତିଞ୍ଜ ମାତ୍ତଣ୍ଡ୍ । ଇତ୍କେ ଆ ନାରୁଡ଼୍ ୱାତ୍ତେ ପେର୍କେ, ଅଣ୍ଡ୍ ଆଗାଙ୍କ୍ ତେଦି ମାତ୍ତଣ୍ଡ୍ । ଅଡ଼୍ ତଡ଼୍ ମେଣ୍ଡେ ଅଣ୍ଡ୍ ତିନଣ୍ଡ୍, କାରନ୍ ଅଣଇଉଦିଡ଼୍ ସୁନ୍ନତ ଆଦାନାଦ୍ ଦର୍କାର୍ ଇଞ୍ଜ ବେନ କେସମାତ୍ତଡ଼୍, ଅଣ୍ଡ୍ ଅଡ଼୍କିଂଙ୍କ୍ ୱେର୍ସ ମାତ୍ତଣ୍ଡ୍ । 13 ମେଣ୍ଡେ ବାଗାତଡ଼୍ ଇଉଦିଡ଼୍ ଦାଦାଲଡ଼୍ ପିତର୍ ତଡ଼୍ କାୟ୍ଲି କାରାପ୍ ବ୍ୟବହାର୍ ମାଡ଼ିମାତ୍ତଡ଼୍, ଇଦ୍ ରକମ୍ କି ବର୍ଣ୍ଣବା ମିକା ଅଡ଼୍ ଗଟ୍ତାଗ୍ ରାୟ୍ତଣ୍ଡ୍ । 14 ନାନ୍ ଉଡ଼୍ତାନ୍ ଯେ ମେଲ୍ତା କାବୁର୍ତେ ସତ୍ ଲେକାମ୍ ଅଡ଼୍ ସାୟେ ବ୍ୟବହାର୍ ମାଡ଼ଡ଼୍, ନାନ୍ ଅଡ଼୍ ମୁନ୍ନେ ପିତର୍ତିଙ୍କ୍ କେତ୍ତାନ୍, "ଯଦି ନିମେ ଇଉଦି ଆସ୍ ଅଣଇହୁଦି ଲେକାମ୍ ବାଦ୍କୁତିନ୍, ତ ଇହୁଦିଡ଼୍ ଲେକାମ୍ ବାଦ୍କାନଙ୍କ୍ ନିମେ ଅଣଇହୁଦିଡ଼୍କ୍ ବେଲା କେତିତିନ୍ ?"
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)