1 ✝ ୨:୧ ପ୍ରେରିତ ୧୧:3୦; ୧୫:୨. ଚୁଉଦ ହେଣ୍ଡ୍ ପେର୍କେ ନାନ୍ ବର୍ଣ୍ଣବାନ୍ ତଡ଼୍ ଯିରୁଶାଲେମ୍‍ତାଗ୍ ମାଲ୍‍ତ୍‍ତାନ୍; ନା ତଡ଼୍ ତିତସ୍‍ତିଙ୍କ୍ ମିକା ଆସ୍ ମାତ୍‍ତାନ୍ । 2 ଆଗ୍ ଆଦାନଙ୍କ୍ ଆଦ୍‍ତେ ଇଞ୍ଜ ଇଶ୍ୱର୍‌ତାଦ୍‍ ଆଦେଶ୍‍ ସେଙ୍ଗେ ନାନ୍ ଆଞ୍ଜ୍‍ ମାତ୍‍ତାନ୍ । ଅଣଇହୁଦୀଡ଼୍ ବକେତ୍ ନାନ୍ ବେନ୍ କାବୁର୍ ପ୍ରଚାର୍ ମାଡ଼୍‍ତାନ୍, ଯିରୁଶାଲେମ୍‍ତେ ନେତାଲଡ଼୍‍କ୍ ଅଣ୍ଡୟ୍‌ ପ୍ରାଇବେଟ୍ ମିଟିଙ୍ଗ୍ ମାଡ଼ି ବୁଜା ମାଡ଼୍‍ତାନ୍ । ନାୟାଦ୍‍ ମୁନେତାଦ୍ ନୁ ଇଞ୍ଜେତାଦ୍ ପାଡ଼୍‍ୟି ବେଲା ଆସାମ୍ ଆନ୍‌‍ମାକି ଆଦିନ୍‌ମାଇଦିଙ୍କ୍ ନାନ୍ ଉଡ଼ମାତ୍‍ତାନ୍ । 3 ନା ସାଙ୍ଗ ତିତସ୍ ୱେରଣ୍ଡ୍ ଗ୍ରୀକ୍‍ ନାରୁଣ୍ଡ୍ ଆତ୍କେ ମିକା, ଅଂକିଙ୍କ୍‌ ସୁନ୍ନତ*୨:୩ ସୁନ୍ନତ ଆଦାନଙ୍କ୍ କେଲ୍‍ୱେ ମାତ୍‍ତଡ଼୍ । 4 ଆଗେକ୍‍ବା ବେସ୍‍କ୍‍ତୁଡ଼୍‍ ଅଂକିଙ୍କ୍‌ ସୁନ୍ନତ ମାଡ଼ାନଙ୍କ୍ ଚାଏମ୍ ଆସମାତ୍‍ତଡ଼୍ । ଅଡ଼୍‌ ବିଶ୍ୱାସି ଦାଦାଲଡ଼୍ ଇଞ୍ଜ ବୁସାମାଡ଼ି ଡଙ୍ଗାଲଡ଼୍‍ ଲେକାମ୍‍ ମାୟାଗ୍‌ କାୟ୍‍ଲି ମାତ୍‍ତଡ଼୍ । କ୍ରିଷ୍ଟ ଜିସୁନ୍ ତଡ଼୍ କାୟ୍‍ଲି ମାମ୍ ବେନ୍‍ ସ୍ୱାଦିନତା ପାଏମ୍ ଆତ୍‍ତମ୍, ଆଦି ବିଷୟ୍ ପୁନ୍ଦାନଙ୍କ୍ ଅଡ଼୍‌ ଆଲ୍‍ସମାତ୍‍ତଡ଼୍ । ମାକିଙ୍କ୍ ମେଣ୍ଡଅନ୍‌‍ଦାମ୍ ନିୟମ୍‍ତେ ଚାକର୍ ମାଡ଼ାନଙ୍କ୍ ଅଡ଼୍‌ ଚାଏମ୍ ଆସ୍‍ମାତ୍‍ତଡ଼୍ । 5 ଇତ୍‍କେ ମି ସେଙ୍ଗେ ମେଲ୍‍ତା କାବୁର୍‍ତାଗ୍ ମାନ୍ଦାନ୍ ସତ୍‍ତିଙ୍କ୍ ନେଃଏତାନ୍ ସେଙ୍ଗେ ମାମ୍ ଆ ନାରୁଡ଼୍‍କିଙ୍କ୍ ସେନେକ୍‍ତିଙ୍କ୍ ମିକା ପଡ଼ିୟେ ଇୱେମାତ୍‍ତମ୍ । 6 ବେନଡ଼୍ ନେତାଲଡ଼୍ ଇଞ୍ଜ ଏଞ୍ଚି ମାତ୍‍ତଡ଼୍, ଅଡ଼୍‌ ବେନ ଆୟି ଆୟିଣ୍ଡ୍, ଆଗେ ନାୟାଦ୍ ବାତ୍ ଆନ; ବାତେଙ୍କ୍‍ଇତ୍‍କେ ବ୍ୟବହାର୍‌ ଉଡ଼ି ଇଶ୍ୱର୍ ବେନଡ଼୍‍କ୍ ବିଚାର୍ ମାଡ଼ଣ୍ଡ୍, ଆ ନେତାଲଡ଼୍ ନାକିଙ୍କ୍ ବାତ୍ ପୁନାଦ୍ ଶିକ୍ଷା ଇୱଡ଼୍ । 7 ମେଣ୍ଡନ୍‍ ରକମ୍‍ ଅଡ଼୍‌ ଉଡ଼ି ମାତ୍‍ତଡ଼୍ ଯେ, ଇଶ୍ୱର୍ ବେଦ୍ ପୁଟୁଙ୍ଗ୍ ଇଉଦୀଡ଼୍ ବକେତ୍ ମେଲ୍‍ତା କାବୁର୍ ପ୍ରଚାର୍ ମାଡ଼ାନ୍ ଦାୟିତ୍ୱ ପିତର୍‍ତିଙ୍କ୍ ଇସ୍ ମାତ୍‍ତଣ୍ଡ୍, ଆଦେ ପୁଟୁଙ୍ଗ୍ ଅଣଯିହୁଦିଡ଼୍‍ ବକେତ୍ ମେଲ୍‍ତା କାବୁର୍ ପ୍ରଚାର୍ ମାଡ଼ାନ୍ ଦାୟିତ୍ୱ ନାକିଙ୍କ୍ ଇତ୍‌ତଣ୍ଡ୍‌ । 8 ବାତେଙ୍କ୍‍ଇତ୍‍କେ ପିତର୍ ବେଦ୍‍ରକମ୍‍ ଇଶ୍ୱର୍‌ତେ ଶକ୍ତିତଡ଼୍‍ ଇଉଦିଡ଼୍ ସେଙ୍ଗେ ପ୍ରେରିତ୍‍ ଶିଷ୍ୟଡ଼୍‍ ଲେକାମ୍ ନିଯୁକ୍ତି ଆସ୍‍ମାତ୍‍ତଣ୍ଡ୍, ନାନ୍ ମିକା ଟିକ୍ ଆଦେ ପୁଟୁଙ୍ଗ୍ ଇଶ୍ୱର୍‌ତେ ଶକ୍ତିତଡ଼୍ ଅଣଇହୁଦୀଡ଼୍ ସେଙ୍ଗେ ପ୍ରେରିତ୍‍ ଶିଷ୍ୟଡ଼୍ ଲେକାମ୍ ନିଯୁକ୍ତି ଆତ୍‍ତାନ୍ । 9 ଗୁଞ୍ଜେ ଇନା ପୁଞ୍ଜ୍‍ମାନ୍ଦାନ୍ ଯାକୁବ, ପିତର୍ ନୁ ଯୋହନ୍‌ ସ୍ୱୀକାର୍ ମାଡ଼୍‍ତଡ଼୍ ଯେ, ଇଶ୍ୱର୍ ନାକିଙ୍କ୍ ଇଦ୍ ପାଡ଼୍‍ୟି ମାଡ଼ାନଙ୍କ୍ ଦାୟିତ୍ୱ ଇସ୍‍ମିନ୍ଦେଣ୍ଡ୍ । ଆଦିଙ୍କ୍ ଅଡ଼୍‌ ନାକିଙ୍କ୍ ନୁ ବର୍ଣ୍ଣବାଙ୍କ୍ ସାହାଯ୍ୟ ମାଡ଼ାନଡ଼୍ ଇଞ୍ଜ ପ୍ରେମତେ ଗ୍ରହନ୍‍ ମାଡ଼ିମାତଡ଼୍ । ବର୍ଣ୍ଣବା ନୁ ନାନ୍ ଅଣଇହୁଦିଡ଼୍ ଲୋପେ ମେଣ୍ଡେ ଅଡ଼୍‌ ଇଉଦିଡ଼୍ ଲୋପେ ପାଡ଼୍‍ୟି ମାଡ଼ିତଡ଼୍ ଇଞ୍ଜ ମାମ୍ ରାଜି ଆସ୍‍ମାତ୍‍ତମ୍ । 10 ଅଡ଼୍‌ ଇସରେ ଅନୁରୋଦ୍ ମାଡ଼ିମାତ୍‍ତଡ଼୍ ଯେ, ତାମ୍ ମାନ୍ଦେତାଗ୍ ମାନ୍ଦାନ୍ ଅବାବ୍‍ତେ ମାନ୍ଦାନ୍‍ ନାରୁଡ଼୍‍କିଙ୍କ୍ ଏର୍କେ ମାଡ଼ିତମ୍ । ଆଦ୍ ବିଷୟ୍‍ ନାକିଙ୍କ୍ ଗାଟି ଇଚ୍ଛା ମାତ୍‍ତେ ।

11 ପିତର୍ ଆଣ୍ଟିୟୋକିତାଗ୍ ୱାସ୍‍ମାନ୍ଦାନ୍ ୱେଲେ ନାନ୍ ଅଂକିଙ୍କ୍‌ ମାନା ମାଡ଼ିମାତ୍‍ତାନ୍, ବାତେଙ୍କ୍‍ଇତ୍‍କେ ନିଜାମ୍‍ ବୁଲ୍‍ ପାଡ଼୍‍ୟି ମାଡ଼ମାତ୍‍ତଣ୍ଡ୍ । 12 ଯାକୁବ ରଅତେ ବେସ୍‍କ୍‍ତୁଡ଼୍‍ ନାରୁଡ଼୍ ଆଗେ ୱାଦାନ୍ ମୁନେନ୍, ପିତର୍ ଅଣଇହୁଦି ଦାଦାଲଡ଼୍ ନୁ ଏଲାସ୍କିନ୍‍ ତଡ଼୍ ତିଞ୍ଜ ମାତ୍‍ତଣ୍ଡ୍ । ଇତ୍‍କେ ଆ ନାରୁଡ଼୍ ୱାତ୍‍ତେ ପେର୍କେ, ଅଣ୍ଡ୍‌ ଆଗାଙ୍କ୍ ତେଦି ମାତ୍‍ତଣ୍ଡ୍ । ଅଡ଼୍‌ ତଡ଼୍ ମେଣ୍ଡେ ଅଣ୍ଡ୍‌ ତିନଣ୍ଡ୍, କାରନ୍‍ ଅଣଇଉଦିଡ଼୍ ସୁନ୍ନତ ଆଦାନାଦ୍ ଦର୍‍କାର୍ ଇଞ୍ଜ ବେନ କେସମାତ୍‍ତଡ଼୍, ଅଣ୍ଡ୍‌ ଅଡ଼୍‌‍କିଂଙ୍କ୍ ୱେର୍‍ସ ମାତ୍‍ତଣ୍ଡ୍ । 13 ମେଣ୍ଡେ ବାଗାତଡ଼୍ ଇଉଦିଡ଼୍ ଦାଦାଲଡ଼୍ ପିତର୍ ତଡ଼୍ କାୟ୍‍ଲି କାରାପ୍ ବ୍ୟବହାର୍‌ ମାଡ଼ିମାତ୍‍ତଡ଼୍, ଇଦ୍ ରକମ୍ କି ବର୍ଣ୍ଣବା ମିକା ଅଡ଼୍‌ ଗଟ୍‍ତାଗ୍ ରାୟ୍‍ତଣ୍ଡ୍ । 14 ନାନ୍ ଉଡ଼୍‍ତାନ୍ ଯେ ମେଲ୍‍ତା କାବୁର୍‍ତେ ସତ୍‍ ଲେକାମ୍ ଅଡ଼୍‌ ସାୟେ ବ୍ୟବହାର୍‌ ମାଡ଼ଡ଼୍, ନାନ୍ ଅଡ଼୍‌ ମୁନ୍‍ନେ ପିତର୍‍ତିଙ୍କ୍ କେତ୍‍ତାନ୍, "ଯଦି ନିମେ ଇଉଦି ଆସ୍ ଅଣଇହୁଦି ଲେକାମ୍ ବାଦ୍‍କୁତିନ୍, ତ ଇହୁଦିଡ଼୍ ଲେକାମ୍ ବାଦ୍‍କାନଙ୍କ୍ ନିମେ ଅଣଇହୁଦିଡ଼୍‍କ୍ ବେଲା କେତିତିନ୍‍ ?"

15 ନିଜାମ୍‍ ମାମ୍ ଜନମ୍ କଞ୍ଚ୍‍ ଇହୁଦି; କେତାନ୍ ଇସାବ୍‍ତେ "ପାପି ଅଣଇହୁଦି," ଆୟମ୍ । 16 ✝୨:୧୬ ରୋମୀୟ 3:୨୦; ରୋମୀୟ 3:୨୨.ମାମ୍ ପୁତ୍‍ତମ୍ ନିୟମ୍‍ତାଦ୍ ଦାବିସାରେ ପୁରା ମାଡ଼୍‍କେ ଆୟ, ମାତର୍‌ ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼୍‍କେ ଅର୍ତୁଣ୍ଡ୍ ଇଶ୍ୱର୍‌ତେ କଣ୍ଡେତାଗ୍ ନିର୍ଦୋଷ୍ ଆଦ୍‍ତଣ୍ଡ୍ । ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆଦାନ୍ ସେଙ୍ଗେ ମାମ୍ ନିୟମ୍‍ତିଙ୍କ୍ ପୟକଟ ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼ୁତମ୍, ବାତେଙ୍କ୍‍ଇତ୍‍କେ ଆସାମ୍‍ ନିୟମ୍ ପାଲନ୍ ମାଡ଼୍‍କେ ବେନ ଇଶ୍ୱର୍‌ତେ ମୁନ୍‍ନେ ଦାର୍ମାମ୍ ଆୟଣ୍ଡ୍ । 17 ଇତ୍‍କେ ଜିସୁ କ୍ରିଷ୍ଟଟନ୍ ତଡ଼୍ କାୟ୍‍ଲି ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆଦାନଙ୍କ୍ ତିଆର୍‍ ଆତ୍‍ତେ ୱେଲେ, ଯଦି ମାମ୍ ଗାଲା ଅଣଇହୁଦି ଲେକାମ୍ "ପାପ୍‌," ଆସ୍ ମିନ୍ଦେମ୍‍, ଇଦିନ୍ ସେଙ୍ଗେ ବାତ୍ କ୍ରିଷ୍ଟ ଦାୟି ? ଇଲ୍‌ଲେ, ଇଦ୍‍ ବେସୁଟ୍‌ ଆୟ । 18 ବେନ୍ ନିୟମ୍‍ତାଦ୍ ବନ୍ଦନ୍‍ତିଙ୍କ୍ ନାନ୍ ୱିଡ଼୍‍ସ୍‍ତାନ୍, ଆଦିଙ୍କ୍ ମେଣ୍ଡେ ତିଆର୍ ମାଡ଼୍‍କେ ନାନ୍ ଦୋଷୀ ଆଦ୍‍ତାନ୍ । 19 ନିୟମ୍‍ତାଗ୍ ନାନ୍ ପୁରା ଡଲ୍‍ତାନ୍, ଆଦ୍ ନିୟମ୍‍ତେ ସେଙ୍ଗେ ନାନ୍ ଡଲିଆତାନ୍ । ଇତ୍‍କେ ନାନ୍ ଇଶ୍ୱର୍‌ତେ ମାଇଦିଙ୍କ୍ ଜିୱେ ଆତ୍‍ତାନ୍ । କ୍ରିଷ୍ଟନ୍‍ ତଡ଼୍ ଅନ୍‌ କ୍ରୁଶତାଗ୍ ନାନ୍ ମିକା ଡଲ୍‍ତାନ୍ । 20 ଆଦିଙ୍କ୍ ଇଞ୍ଜେ ନାନ୍ ନିଜାମ୍ ଜିୱେ ଇଲେନ୍, ନାୟାଗ୍ କ୍ରିଷ୍ଟ କେ ଜିୱୁଣ୍ଡ୍ । ନାନ୍ ଇଞ୍ଜେ ବେନ୍ ଜିୱୁଣ୍ଡ୍ ବାଦ୍‍କୁତାନ୍, ଆଦ୍ ଇଶ୍ୱର୍‌ତେ ମାର୍‍ଦିଙ୍କ୍ ନାୟାଦ୍ ବିଶ୍ୱାସ୍ ମାନ୍ଦାନ୍ ସେଙ୍ଗେ ସମ୍ଭବ୍ ଆତ୍‍ତେ ବେନ ନାକିଙ୍କ୍ ପ୍ରେମ ମାଡ଼ି ତାନ୍ ଜିୱୁଣ୍ଡ୍ ଇତ୍‌ତଣ୍ଡ୍‌ । 21 ତିନ୍‍ସେଙ୍ଗେ ଇଶ୍ୱର୍‌ତେ ଅନୁଗ୍ରହତିଙ୍କ୍ ନାନ୍ ବେସୁଟ୍‌ ଅସ୍ୱିକାର୍ ମାଡ଼ନ୍ । ବାତେଙ୍କ୍‍ଇତ୍‍କେ ନିୟମ୍ ପାଲନ୍ ମାଡ଼ି ଯଦି ବେନ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆଦ୍‍ତଣ୍ଡ୍, ଆଲେକେ କ୍ରିଷ୍ଟ ଡଲ୍‍ତାଦ୍ ଆଙ୍ଗ୍‍ଡ଼ାମ୍ ଇଞ୍ଜ କେତାନଙ୍କ୍ ଆଦ୍‍ତେ ।