21 ବେନ ନା ଗଟିସାରେ ଗ୍ରହନ୍ ମାଡ଼ି ପାଲନ୍ ମାଡ଼ିତନ୍, ଅଣ୍ଡ୍ ନାକିଂଙ୍କ୍ ପ୍ରେମ ମାଡ଼ିତନ୍, ମେଣ୍ଡେ ବେନ୍ ନାକିଂଙ୍କ୍ ପ୍ରେମ ମାଡ଼ିତନ୍, ନା ବାବାଲ୍ ଅଂକିଙ୍କ୍ ପ୍ରେମ ମାଡ଼ିତନ୍, ମେଣ୍ଡେ ନାନେମିକା ଅଂକିଙ୍କ୍ ପ୍ରେମ ମାଡ଼ିତାନ୍ ନୁ ଅଂକିଙ୍କ୍ ପ୍ରକାଶ୍ ମାଡ଼ିତାନ୍ ।
22 ଯିହୁଦା, ବେନ ଇଷ୍କାରୀୟତିୟ ଆୟନ୍ ଅଂକିଙ୍କ୍ କେତ୍ତଣ୍ଡ୍, ହଁ ପ୍ରବୁ, ଇଦ୍ ବେଲା ଆଦ୍ତେ, ନିଜେତିଙ୍କ୍ ଜଗତ୍ତାଗ୍ ତିଆର୍ ମାଡ଼କଟ୍ ମା ପାକେ ବେଲା ତିଆର୍ ମାଡ଼ିତି ?
23 ଜିସୁ ଅଂକିଙ୍କ୍ ଉତ୍ତର୍ କେତ୍ତଣ୍ଡ୍, ଯଦି ବେନ ନାକିଂଙ୍କ୍ ପ୍ରେମ ମାଡ଼୍କେ ଆଲେକେ ଅଣ୍ଡ୍ ନା ବାକ୍ୟ ପାଲନ୍ ମାଡ଼ିତନ୍, ମେଣ୍ଡେ ନା ବାବାଲ୍ ଅଂକିଙ୍କ୍ ପ୍ରେମ ମାଡ଼ିତନ୍, ମେଣ୍ଡେ ମାମ୍ମେ ଅନ୍ ପାକେ ୱାସ୍ ଅନ୍ ତଡ଼୍ ମାନ୍ତମ୍ । 24 ବେନ ନାକିଂଙ୍କ୍ ପ୍ରେମ ମାଡ଼ନ୍, ଅଣ୍ଡ୍ ନା ବାକ୍ୟ ପାଲନ୍ ମାଡ଼ନ୍ । ନାନ୍ ଇସ୍ମାନ୍ଦାନ୍ ଶିକ୍ଷା ନାୱାଦ୍ ଆୟ୍ୟ ଆଦ୍ ନା ପ୍ରେରଣାକର୍ତ୍ତାନ୍ ଇଶ୍ୱର୍ତାଦ୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)