ଯୋହନ୍‌ 15

ଜିସୁ ନିଜାତାଦ୍ ଅଙ୍ଗୁର୍ ଟଣ୍ଡ୍

1 "ନାନ୍ ନିଜାତାଦ୍ ଅଙ୍ଗୁର୍‌ ଟଣ୍ଡ୍, ମେଣ୍ଡେ ନା ବାବାଲ୍ ଚାଷୀ ନାରୁଣ୍ଡ୍‌ । 2 ନାୟାଗେ ମାନ୍ଦାନ୍ ବେନ୍ ଆୟି କମ୍‍ମା କାୟା ଆଦକ୍, ଆଦିଙ୍କ୍ ଅଣ୍ଡ୍‌ ନାଡ଼୍‍କିତଣ୍ଡ୍; ମେଣ୍ଡେ କାୟା ଆଦ୍‍କେ, ଗାଟି କାୟା ଆଦାନ୍ ସେଙ୍ଗେ ଅଣ୍ଡ୍‌ ଆଦିଙ୍କ୍ ସାଏ ଜତନ୍ ମାଡ଼ିତନ୍ । 3 ନାନ୍ ମିକିଂଙ୍କ୍ ବେନ୍ ବାକ୍ୟ କେସ୍‍ମିନ୍ଦେନ୍ ଆଦିନ୍ ସେଙ୍ଗେ ମିଡ଼୍ ସାଏ ଆସ୍ ମିନ୍ଦେଡ଼ି । 4 ନାୟାଗେ ମାନୁଟ୍, ଆଲେକେ ନାନ୍ ମିୟାଗ୍ ମାନ୍‍ତାନ୍ । କମ୍‍ମା ବେଲା ଅଙ୍ଗୁର୍‌ ଟଣ୍ଡେତାଗ୍ ମାନୋକ୍ କାୟା ଆଦେ ପାର୍‍ୱେ, ଆଦେପୁଟୁଙ୍କ୍ ମିଡ଼୍ ମିକା ନାୟାଗେ ମାନୋକ୍ କାୟା ଆଦେ ପାର୍‍ୱିଡ଼୍ ।"

5 "ନାନ୍ ଅଙ୍ଗୁର୍‌ ଟଣ୍ଡ୍ ମିଡ଼୍ ଆଦୁତିଡ଼୍ କମ୍‍ମା; ବେନ ନାୟାଗ୍ ମାନ୍‍ତଣ୍ଡ୍ ନୁ ନାନ୍ ବେନନାଗ୍‍ ମାନ୍‍ତାନ୍, ଅଣ୍ଡ୍‌ ଗାଟି କାୟା ଆଦିତଣ୍ଡ୍; ବାତେଙ୍କ୍ ଇତ୍‍କେ ନାନ୍ ଇଲ୍‍ଉକ୍ ମିଡ଼୍ ବାଆତେ ମିକା ମାଡ଼୍ ପାର୍‍ୱିଡ଼୍ ।