ଜିସୁ ନିଜାତାଦ୍ ଅଙ୍ଗୁର୍ ଟଣ୍ଡ୍
1 "ନାନ୍ ନିଜାତାଦ୍ ଅଙ୍ଗୁର୍ ଟଣ୍ଡ୍, ମେଣ୍ଡେ ନା ବାବାଲ୍ ଚାଷୀ ନାରୁଣ୍ଡ୍ । 2 ନାୟାଗେ ମାନ୍ଦାନ୍ ବେନ୍ ଆୟି କମ୍ମା କାୟା ଆଦକ୍, ଆଦିଙ୍କ୍ ଅଣ୍ଡ୍ ନାଡ଼୍କିତଣ୍ଡ୍; ମେଣ୍ଡେ କାୟା ଆଦ୍କେ, ଗାଟି କାୟା ଆଦାନ୍ ସେଙ୍ଗେ ଅଣ୍ଡ୍ ଆଦିଙ୍କ୍ ସାଏ ଜତନ୍ ମାଡ଼ିତନ୍ । 3 ନାନ୍ ମିକିଂଙ୍କ୍ ବେନ୍ ବାକ୍ୟ କେସ୍ମିନ୍ଦେନ୍ ଆଦିନ୍ ସେଙ୍ଗେ ମିଡ଼୍ ସାଏ ଆସ୍ ମିନ୍ଦେଡ଼ି । 4 ନାୟାଗେ ମାନୁଟ୍, ଆଲେକେ ନାନ୍ ମିୟାଗ୍ ମାନ୍ତାନ୍ । କମ୍ମା ବେଲା ଅଙ୍ଗୁର୍ ଟଣ୍ଡେତାଗ୍ ମାନୋକ୍ କାୟା ଆଦେ ପାର୍ୱେ, ଆଦେପୁଟୁଙ୍କ୍ ମିଡ଼୍ ମିକା ନାୟାଗେ ମାନୋକ୍ କାୟା ଆଦେ ପାର୍ୱିଡ଼୍ ।"
5 "ନାନ୍ ଅଙ୍ଗୁର୍ ଟଣ୍ଡ୍ ମିଡ଼୍ ଆଦୁତିଡ଼୍ କମ୍ମା; ବେନ ନାୟାଗ୍ ମାନ୍ତଣ୍ଡ୍ ନୁ ନାନ୍ ବେନନାଗ୍ ମାନ୍ତାନ୍, ଅଣ୍ଡ୍ ଗାଟି କାୟା ଆଦିତଣ୍ଡ୍; ବାତେଙ୍କ୍ ଇତ୍କେ ନାନ୍ ଇଲ୍ଉକ୍ ମିଡ଼୍ ବାଆତେ ମିକା ମାଡ଼୍ ପାର୍ୱିଡ଼୍ । 6 ବେନ ବେସୁଟେ ନାୟାଗ୍ ମାନନ୍, ଆଲାଇତ୍କେ ଅଙ୍କ୍ ନାଡ଼୍କ୍ତାଦ୍ କମ୍ମା ଲେକାମ୍ ବାଇଦେ ହେସିଦ୍ତଡ଼୍ ନୁ ୱାସ୍ପିତ୍ଡ଼୍, ମେଣ୍ଡେ ନାରୁଡ଼୍ ଆୱିଙ୍କ୍ ଅଣ୍ଡୟାଗେ ମାଡ଼ି କିସ୍ତାଗ୍ ୱାଟିଦ୍ତଡ଼୍ ନୁ ଆୱ୍ଚାରେ କାଡ଼୍ୱିତା । 7 ଯଦି ମିଡ଼୍ ନାୟାଗେ ମାନ୍ତିଡ଼୍, ମେଣ୍ଡେ ନାୟାୱ୍ ବାକ୍ୟ ମିୟାଗ୍ ମାନ୍ତା, ଆଲେକେ ବେନେଆୟି ବିଷୟ୍ ଇଚ୍ଛା ମାଡ଼ିତିଡ଼୍, ଆଦ୍ ତାଲ୍କାଟ୍, ମେଣ୍ଡେ ମିଇ ମାଇଦିଙ୍କ୍ ଆଦ୍ ଦର୍କିତେ । 8 ମିଡ଼୍ ନାର୍ଗେ କାୟା ଆଦ୍କେ ନା ବାବାଲ୍ ମହିମାନିତ ଆଦ୍ତନ୍, ମେଣ୍ଡେ ମିଡ଼୍ ନା ସାଏତ୍ ଶିଷ୍ୟଡ଼୍ ଆଦ୍ତିଡ଼୍ ।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)