12 ଆଗାଙ୍କ୍ ପିଲାତ ଜିସୁଙ୍କ୍ ମୁକ୍ତି ମାଡ଼ାଙ୍କ୍ ଆଲ୍ସି ମାତ୍ଣ୍ଡ୍, ବାତେଙ୍କ୍ ଇତ୍କେ ଯିହୁଦୀଡ଼୍ ଗାଟି ଲେଙ୍ଗ୍ ଦେ କେତ୍ତଡ଼୍, "ଯଦି ନିମ୍ ଇ ନାରୁଙ୍କ୍ ମୁକ୍ତି ମାଡ଼ିତିନ୍, ଆଲେକେ ନିମ୍ ସମ୍ରାଟ୍ତେ ସାଙ୍ଗ ଆୟିୱିନ୍; ବେନଆଇ ନିଜେତିଙ୍କ୍ ରାଜା ଇଞ୍ଜ କେତିତଣ୍ଡ୍, ଅଣ୍ଡ୍ କାଇସର୍ତେ ବିରଦ୍ଦ୍ତାଦ୍ ଗଟ୍ କେତିତଣ୍ଡ୍ ।"
13 ପିଲାତ ଇଦ୍ ସାରେ ଗଟ୍ କେଞ୍ଜି ଜିସୁଙ୍କ୍ ପେସ୍ପିତାସ୍ "କାଲ୍ମଣ୍ଡପ୍," ବେଦିଙ୍କ୍ ଏବ୍ରି ଗଟ୍ ତେ "ଗବ୍ବତା," ଇଞ୍ଜ କେତିତଡ଼୍, ଆଦ୍ ପଡ଼ିୟେତାଗ୍ ବିଚାର୍ ମାଡ଼ାନାଦ୍ କେତିତାଗ୍ କୁଦ୍ତଣ୍ଡ୍ । 14 ଆଦ୍ ଦିନ୍ ନିସ୍ତାର୍ ପାଣ୍ଡୁତାଦ୍ ମିଟିଙ୍କ୍ ଦିନାମ୍ ମାତ୍ତା, ମେଣ୍ଡେ ଆସୁଟେ ଦିନାମ୍ ବାର ଗାଣ୍ଟା ଆସ୍ମାତ୍ତା । ପିଲାତ ଯିହୁଦୀଡ଼୍କ୍ କେତ୍ତଣ୍ଡ୍, "ଉଡ଼ାଟ୍, ମିୱଣ୍ଡ୍ ରାଜାଲ୍ !"
15 ଆଗାଙ୍କ୍ ଅଡ଼୍ ଗାଟି ଲେଙ୍ଗ୍ ଦେ କେତ୍ତଡ଼୍, "ଅଂକିଙ୍କ୍ ହାୱ୍କାଟ୍, ହାୱ୍କାଟ୍, କ୍ରୁଶତାଗ୍ ତାର୍ସ୍ପାଟ୍ ।"
ପିଲାତ ଅଡ଼୍କିଂଙ୍କ୍ କେତ୍ତଣ୍ଡ୍, "ମିଡ଼୍ ବାତେଏ ଇଚ୍ଛା ମାଡ଼ୁତିଡ଼୍ ନାନ୍ ମିଇ ରାଜାଙ୍କ୍ କ୍ରୁଶତାଗ୍ ତାର୍ସ୍ପି ହାୱ୍କିତାନ୍ ?"
ମୁକ୍ୟ ଯାଜକିଡ଼୍ କେତ୍ତଡ଼୍, "ସମ୍ରାଟ୍ତେ ୱିଡ଼୍ସି ମାକିଂଙ୍କ୍ ମେଣ୍ଡେ ରାଜାଲ୍ ଇଲାଣ୍ଡ୍ ।"
16 ଆସୁଣ୍ଟ୍ ପିଲାତ ଜିସୁଙ୍କ୍ କ୍ରୁଶତାଗ୍ ତାର୍ପାନ୍ ସେଙ୍ଗେ ଅଡ଼୍ କାଇଦେ ସମର୍ପନ୍ ମାଡ଼୍ତଣ୍ଡ୍ । ଆସୁଣ୍ଟ୍ ଅଡ଼୍ ଜିସୁଙ୍କ୍ ହତ୍ତଡ଼୍ ।
ଜିସୁଙ୍କ୍ କ୍ରୁଶବିଦ୍ଦ ମାଡ଼୍ତଡ଼୍
(ମାତିଉ ୨୭:୩୨-୪୪; ମାର୍କ ୧୫:୨୧-୩୨; ଲୁକ ୨୩:୨୬-୪୩)