13 ଆସୁଟେ ଯିହୁଦି ନାରୁଡ଼ାଦ୍ ନିସ୍ତାର୍ ପାଣ୍ଡୁମ୍ ଗାର୍‍ରେ ହେୱସ୍‍ ମାତ୍‍ତେ, ମେଣ୍ଡେ ଜିସୁ ଯିରୁଶାଲେମ୍‌‍ତା ଆତ୍‍ତଣ୍ଡ୍ । 14 ମେଣ୍ଡେ, ଜିସୁ ମନ୍ଦିର୍‍ତାଗ୍ ଗଡ୍‍କ୍, ମେଣ୍ଢା ନୁ ବଡେ ୱାମାନ୍‍ନାରୁଡ଼୍‍କ୍ ମେଣ୍ଡେ ଡାବ୍ ବ୍ୟବସାୟିନାରୁଡ଼୍‍କ୍ କୁଦିମାନ୍ଦାନାଦ୍ ଉଡ଼୍‍ତଣ୍ଡ୍ । 15 ଆଗାଙ୍କ୍ ଅଣ୍ଡ୍‌ ନଡ଼େତେ ୱେରଡ଼୍ ଇକ୍‍ଲେମ୍ ତିଆର୍ ମାଡ଼ି ମେଣ୍ଢା ନୁ ଗଡ୍‍କିଂଙ୍କ୍ ତଅସ୍ ସାରେତାୱିଙ୍କ୍ ମନ୍ଦିର୍‍ତାଗାଙ୍କ୍ ବାୟିଦେ ପେସ୍‍ପିତ୍‍ତଣ୍ଡ୍; ଡାବ୍ ବ୍ୟବସାୟି ନାରୁଡ଼୍‍ଡାୱ୍‍ ଡାବ୍‌କ୍‌ସାରେ ଲେକିସ୍ ଅଡ଼ାୱୁ ଟେବୁଲ୍‍କିଙ୍କ୍ ଉଲ୍‍ଟା ମାଡ଼ିତ୍‍ତଣ୍ଡ୍ । 16 ମେଣ୍ଡେ ଜିସୁ ବଡେ ୱାମାନଡ଼୍‍କିଙ୍କ୍ କେତ୍‍ତଣ୍ଡ୍, "ହିୱିଙ୍କ୍ ଇଗାଙ୍କ୍ ଆୟ୍‍ମୁଟ୍, ନା ବାବାନ୍ ଲୋତ୍‍ତିଙ୍କ୍ ଆସାନ୍ ୱାମାନ୍ ଲୋନ୍‌ ମାଡ଼୍‍ମାଟ୍ ।" 17 ଇଦ୍ ଉଡ଼ି ତାନ୍ ଶିଷ୍ୟଡ଼୍ ଶାସ୍ତ୍ରତାଗ୍ କେତ୍‍ତାଦ୍ ୱେରନ୍ ବାକ୍ୟ ହେର୍କା ମାଡ଼୍‍ତଡ଼୍; "ମିଇ ଲୋତ୍‍ତେ ସେଙ୍ଗେ ନାୟାଦ୍ ଉକ୍ତି ନା ଲୋପେ କିସ୍ ଲେକାମ୍ ନିଡ଼୍‍ସମିନ୍ଦେ ।"